Cinema addict

தோனி - எனது பார்வையில்

2012-02-11T18:16:00.000+05:30

தரமான படங்களை தயாரித்து நமக்கு வழங்கிய பிரகாஷ் ராஜின் டூயட் மூவீஸ் தயாரிப்பில் அவர் இயக்கத்தில் உருவாகியிருக்கும் படம். மேலும் இசைஞானி இளையராஜா அவர்கள் தனது பழைய பாணியில் live orchestration மூலம் இசை அமைத்து இசை ஜாலம் செய்திருக்கும் படம்.

பெற்றவர்கள் தனது கனவை பிள்ளைகளின் மூலம் நிறைவேற்ற நினைத்து அவர்களின் சொந்த கனவை இலட்சியத்தை பொருட்படுத்தாமல் விட்டு விடுவதை மிக இயல்பாய் சொல்லி இருக்கிறார்கள்.

கிரிக்கெட்டில் பெரிய ஆளாக வர விரும்பும் திறமை மிக்க தனது மகனை நன்றாக படி படி என்று கட்டாயப் படுத்தும் ஒரு சாதாரண middleclass அப்பாவாக பிரகாஷ் ராஜ். விளையாட்டில் இருக்கும் ஆர்வம் துளி கூட படிப்பில் இல்லாத அவரது மகனாக ஒரிஜினல் போக்கிரி பட தெலுங்கு இயக்குனர் பூரி ஜகன் நாத்தின் மகன் ஆகாஷ். மனைவியை இழந்து தனது மகனையும் மகளையும் நன்றாக படிக்க வைக்க போராடும் நாம் அன்றாடம் வாழ்வில் பார்க்கும் ஒரு சாதாரண அரசாங்க ஊழியராக பிரகாஷ் ராஜ் கன கச்சிதம்.எல்லோருக்கும் எல்லாம் தெரிவது இல்லை ஒவ்வொருவர் இடமும் ஒவ்வொரு திறமை இருக்கிறது. இதனை உணர்ந்து அந்த துறையில் குழந்தைகளை வளர விட வேண்டியது பெற்றோர் மற்றும் பள்ளி ஆசிரியர்களின் கடமை என்பதை மிக இயல்பாகவும் கொஞ்சம் நடகதனமாகவும்(படத்தின் இறுதியில் சில காட்சிகள்) சொல்லி இருக்கிறார் இந்த தோனி மூலம்.

பிரகாஷ் ராஜ் அருமையாக நடித்திருக்கிறார் என்று சொல்வது சூரியன் ஒளி தரும் என்று சொல்வதை போல. ஆனால் அவர் இயக்கம் எப்படி என்றால் ஓரளவு ஜெயித்து விட்டார் என்றே சொல்ல வேண்டும். நமது கலாச்சாரத்திற்கு தேவையான மேலும் சொல்ல பட வேண்டிய கதையை தேர்வு செய்ததற்கு முதலில் வாழ்த்துக்கள். ஆனாலும் முதல் படம் என்பதை சில amateur காட்சிகள் காட்டி கொடுத்து விடுகின்றன. குறிப்பாக இரண்டாவது பாதியில் மற்றும் ராதிகா ஆப்டே கதாபாத்திரத்தில் தெரியும் சில சினிமாத்தனங்கள். அவற்றை தவிர்த்து பார்த்தல் ஒரு நல்ல படைப்பை தந்து இருக்கிறார் என்று தைரியமாக சொல்லலாம்.

படத்தின் பெரிய பலம் சில கதாபாத்திர அமைப்புக்கள், இப்படி ஒரு கதையின் இயல்பைக் கெடுக்காமல் அதோடு நம்மை பயணிக்க வைக்கும் இசைஞானியின் இசை.குறிப்பிட்டு சொல்ல வேண்டுமானால் மகனாக வரும் ஆகாஷ் நல்ல தேர்வு. மேலும் படம் முழுக்க வரும் கஷ்ட காலத்தில் நம்பிக்கை தரும் கதாபாத்திரங்கள்.

தனது மகனின் கனவை புரிந்து கொள்ளாமல் அவனை இழந்து தவிக்கும் லண்டன் டாக்டராக வரும் தலைவாசல் விஜய் மற்றும் அவர் மனைவி அதே சூழ்நிலையால் தவிக்கும் பிரகாஷ் ராஜ் மகனிற்கு உதவும் காட்சி அமைப்பு மிக எதார்த்தம்.

வட்டிக்கு கடன் கொடுக்கும் பாய் பின்பு பிரகாஷ் ராஜ் மகன் சுய நினைவின்றி இருக்கும் கட்டத்தில் வந்து " நான் ஒரு பைசா விடாமல் வசூல் செய்பவன் தான் ஆனால் அதற்கு கூட சில நேரம் காலம் இருக்கு. இப்படி பட்ட சூழலில் இருக்கும் உன்னிடம் பணம் வசூலிக்கும் அளவிற்கு நான் கேட்டவன் இல்லை" என்று கூறி மகனை வீட்டுக்கு உள்ளேயே வைத்து வருத்த பட்டுக்கொண்டிருக்கும் குடும்பத்தை அவனை வெளியில் அழைத்து செல்லும் படி கூறி நம்பிக்கை தரும் காட்சி.

மேலும் வார்த்தையால் விவரிக்க முடியாத இந்த காட்சிக்கு தனது இசையால் வசனம் கொடுத்த இசைஞானி இளையராஜா பாடியிருக்கும் பாடல் " தாவி தாவி போகும் மேகம் பொழியும் நேரம் காயப் பட்ட நெஞ்சில் ஈரம் ஊற்றும்".

பாடல் வெளியீட்டின் போது பிரகாஷ் ராஜ் கூறிய ஒரு செய்தி: " எனக்கு pain பிடிக்காது ஆனால் இந்த இடத்தில் வரும் பாடலில் வலி இருக்காது நம்பிக்கை(hope) மட்டுமே இருக்கும்".

இசைஞானியின் இன்னிசையில் அவரது மயக்கும் குரலில் வரும் இந்த பாடல் துவண்டு போகும் நேரத்தில் எல்லாம் அனைவர்க்கும் நம்பிக்கை தரக்கூடிய ஆற்றல் மிக்க இந்த பாடலே அதற்கு சான்று. இந்த படத்தின் பாடல்களில் "the best" என்று சொல்லலாம். குறிப்பிட்டு சொல்ல வேண்டிய இன்னொரு விஷயம் நா முத்துகுமாரின் பாடல் வரிகள்.

"விளையாடும் மைதானம் அங்கு பலமாய் கர கோஷம்.
வெறும் பந்தாய் நாம் இருந்தால் பல கால்கள் விளையாடும்.

எந்த காற்று தீண்டும் என்றா குழல் தேடும்
எந்த காற்று நுழைந்தாலும் குழல் இசை பாடும்.

கடல் அலைகள் நிரந்தரமா அவை ஒவ்வொன்றும் புதிது.
அதில் குமிழாய் நுரைகளுமாய் வரும் கவலை உடைகிறது

நாம் வாழும் காலத்தில் அட யாரும் தனி இல்லை

உன் தனிமை தன்னை தனிமை ஆக்கும் துணைகள்"

எளிய தமிழில் அழகியல் கெடாமல் அர்த்தமுள்ள பாடல்கள் தருவதில் இவரை நம் தலைமுறை வாலி என்றே சொல்லலாம். வைரமுத்து, வாலி தலைமுறைக்கு பிறகு வந்த பாடலாசிரியர்களில் ஒரு மிக பெரிய இடம் இவருக்கு கண்டிப்பாக உண்டு. இந்த ஆண்டு தமிழ் பட இசைக்கு பொன் ஆண்டாக அமைவதற்கு பல அறிகுறிகள். அவற்றில் ஒன்று தான் மேஸ்ட்ரோ கொடுத்திருக்கும் இந்த தோனி பாடல்கள்.live orchestration மூலம் 80 களில் நாம் ரசித்த காலத்தால் அழியாத பல பாடல்களில் இந்த பாடல்களையும் கண்டிப்பாக சேர்க்கலாம். இளையராஜா அவர்கள் ஒரு இசை கடல் அவரிடம் இயக்குனர் என்ன கேட்கிறார்களோ அது தான் கிடைக்கும் என்பதை அருமையான பாடல்கள் வாங்கி நிருபித்திருக்கிறார் பிரகாஷ் ராஜ்.கூடுதல் மகிழ்ச்சி அடுத்து இந்த இசை மேதையுடன் இணைபவர் gautam menon என்பது.

கனவுக்கும் நடைமுறைக்கும் இடையில் சிக்கி தவிக்கும் மிடில் கிளாஸ் மக்களின் நிலையை அழகாக சொல்லும் "வாங்கும் பணத்துக்கும் வாழ்கைக்குமே ஒரு சம்பந்தம் இல்ல " பாடல் ஆகட்டும், இல்லை பெரிய மனுசி ஆகி இருக்கும் தன் மகளை தந்தை பார்க்கும் பொது வரும் "விளையாட்டா படகோட்டி விளையாடும் பருவம் பொய் நெசமான ஓடம் போல் நாம் ஆனோம் " ஆகட்டும், அத்தனை அழகு இசையும் அதோடு அழகாக இணைந்திருக்கும் முத்துகுமாரின் பாடல் வரிகளும்.

வாழ்கையின் துன்பம் என்பது என்றுமே தொடர்வது. அதை சமாளித்து நம்பிக்கையுடன் போராடினால் தான் வெற்றி என்பதை இப்படி எழுதியிருக்கிறார் அழகாக.

"கட்டுமரம் என்றால் என்ன வெட்டு பட்ட மரங்கள் தானே

கஷ்டப்படும் நீயும் நானும் அது போலே

பட்ட பாடு அலைகள் போலே விட்டு விட்டு மோதிப் பார்க்கும்

எட்டி நிற்க திரும்ப திரும்ப விளையாடும்

கடல் இருந்தும் கட்டுமரம் ஆழத்த அறியாது

கரை சேரும் நதி எல்லாம் திரும்பி தான் போகாது.

முடிவில்லா முடிவுக்கேது முடிவு"

spb அவர்களின் குரலுக்கு மட்டும் வயசே ஆகாது போல. அதே துள்ளலில் அவர் ஸ்டைலில் பாடியிருக்கும் "வாங்கும் பணத்துக்கும்" சான்சே இல்லை. அந்த இயல்புக்கு வலு சேர்க்கிறது இது போன்ற மிக இயல்பான வரிகள்.

"அடுத்த நாளை அடுத்த நாளில் பார்க்கலாம்"

Trailor பார்த்தாலே படத்தின் கதையை யூகிக்க முடியும் என்பதால் கொஞ்சம் interest குறைவதை தவிர்க்க முடியவில்லை. மேலும் இரண்டாவது பாதியில் வரும் சில காட்சிகளில் மிஸ் ஆகும் இயல்புதனம் இவற்றை தவிர்த்து பார்த்தால் மொத்தத்தில் இது ஒரு மிக சிறந்த படம் என்று சொல்ல முடியாது என்றாலும் கண்டிப்பாக குடும்பத்துடன் பார்க்க வேண்டிய ஒரு நல்ல படைப்பு என்பதில் சந்தேகம் இல்லை.

கண்டிப்பாக இன்னும் நல்ல படைப்புக்களை பிரகாஷ் ராஜிடம் இருந்து எதிர்பார்க்கலாம். Congrats பிரகாஷ் ராஜ் & entire dhoni team.

விமர்சனம், சினிமா விமர்சனம், சினிமா, இளையராஜா

அவன் இவன் - எனது பார்வையில்

2011-06-17T22:11:00.000+05:30

எனக்கு மிகவும் பிடித்த இயக்குனர்களில் ஒருவரான பாலாவின் இயக்கத்தில் வந்துள்ள ஒரு multistarrer திரைப்படம் என்பதால் மிகுந்த எதிர்பார்ப்புடன் சென்றேன். ஆனால் முழு திருப்தி இல்லை என்று தான் சொல்ல வேண்டும்.

வழக்கமாக பாலாவின் படத்தில் இருக்கும் ஒரு அழுத்தமான கதை இதில் மிஸ்ஸிங். கதை என்று சொல்லி கொள்ள பெரிதாக இல்லை. சூப்பர் சிங்கர் புகழ் அனந்துவின் இரண்டு மனைவியின் இரண்டு மகன்கள் (விஷால் மற்றும் ஆர்யா) ஊர் ஹைனஸ் gm குமாரின் வளர்ப்பு மகனாக வாழ்ந்து கொண்டிருக்கும் இவர்கள் வெளியே எப்போதும் சண்டை போட்டு கொண்டிருந்தாலும் உள்ளுக்குள் மிகுந்த பாசத்துடன் இருக்கும் இவர்களின் அன்றாட அட்டகாசம் தான் முதல் பாதி. இவர்கள் வாழ்கையில் ஏற்படும் ஒரு சின்ன திருப்பம் இரண்டாம் பாதி.

முதல் பாதி போவதே தெரியாமல் ஜாலியாக போகிறது பெரிதாக கதை ஒன்றும் இல்லை என்றாலும். அதிலும் படம் ஆரம்ப கட்டத்தில் சும்மா குத்து குத்து என்று குத்தி எடுத்திருக்கிறார்கள். விசாலின் அறிமுகமே அட்டகாசமான குத்து அடுத்து ஆர்யா தன் பங்கிற்கு தன் அம்மாவுடன் போடும் குத்து என்று ஆரம்பித்து வேகமாக பொழுது போக்காக போகும் முதல் பாதி. இரண்டாம் பாதியில் தான் கதைக்குள் போக போகிறார் என்று பார்த்தால் ஏற்கனவே பார்த்த வழக்கமான பாலா பட கிளைமாக்ஸ்.

ஊர் highness ஆக GM குமாருக்கு தான் படத்தின் முக்கியமான கதாபாத்திரம். முதல் ஒன்றிரண்டு காட்சியிலேயே இவர் கதாபாத்திரம் எப்படி பட்டது என்பதை ஒட்டு மீசை வைத்து விடும் பெண்களிடம் இதை வெளியே சொல்லி விடாதீர்கள் என்பது போன்ற காட்சியின் மூலம் நமக்கு உணர்த்தி விடுகிறார் பாலா. இருந்தாலும் படத்தில் நடக்கும் அத்தனையும் இவரை மையமாகவே வைத்து நகர்வதன் மூலம் இவர் பாத்திரத்தின் பங்கு மிக முக்கியமானதாகி விடுகிறது. அவரும் தன் பங்கிற்கு கிடைத்த வாய்ப்பை முழுமையாக பயன் படுத்தி விட்டார். காமெடி ஆகட்டும் செண்டிமெண்ட் ஆகட்டும் நல்ல முதிர்ந்த பக்குவமான நடிப்பு. சொல்ல போனால் ஆடுகளம் படத்தில் ஜெயபாலன் (பேட்டைக்காரன்) கதாபாத்திரத்தை போன்ற ஒரு முக்கியமான ரோல்.

இந்த படம் ஒரே ஒரு ஆளுக்கு அடித்த jackpot என்றால் அது விஷால் தான் இவருக்கு இப்படி எல்லாம் கூட நடிக்க தெரியுமா என்று கேட்க தோன்றுகிறது. பிதாமகன், சேது விக்ரம் அளவிற்கு ஒரு கனமான கதாபாத்திரம் இல்லை என்றாலும் விஷால் அட்டகாசபடுத்தி இருக்கிறார். பல காட்சிகளில் அவர் டயலாக் டெலிவரி மற்றும் body language அருமை. முக்கியமாக ஒரு கலைஞனான இவர் இப்போது நவரசத்தை காட்டுவார் என்று அறிமுகம் செய்ததும் அவர் மேடையில் நடித்து காடும் காட்சி பின்னி பெடலெடுத்து விட்டார். சும்மா பத்து பேரை அடித்து விட்டு பஞ்ச் டயலாக் பேசியே பார்த்த விஷாலா இது என்று வியப்பு. சரியான ஆள் கையில் கிடைத்தால் தான் கல் கூட சிற்பமாகும் என்று உணர முடிகிறது.

ஆர்யாவிற்கு விஷால் அளவிற்கு நடிக்கும் வாய்ப்பு இல்லை என்றாலும் படும் முழுக்க காமெடியில் கொடி கட்டி பறக்கிறார். வர வர அவரின் காமெடி timing மற்றும் நடிப்பில் நல்ல spontaneity தெரிவது வரவேற்கத்தக்க முன்னேற்றம். முக்கியமாக இவர் தண்ணி அடித்து விட்டு விசாலின் நடிப்பை பார்த்து வியந்து பாராட்டும் காட்சி அதகளம். தமிழ் பேசும் இரண்டு கதாநாயகிகளை பயன்படுத்தி இருக்கும் பாலாவிற்கு அதற்காக ஒரு சபாஷ். இரண்டு பேரில் ஆர்யாவின் ஜோடியாக வரும் மது ஷாலினி கொஞ்சம் அழகு அதிகம் என்றாலும் வெறும் பொம்மை போல வந்து போகிறார் ஆனால் constable பேபியாக வரும் ஜனனி ஐயருக்கு கொஞ்சம் acting scope இருப்பதால் expressions மூலம் ஸ்கோர் செய்து விடுகிறார்.

சூர்யாவின் அகரம் foundation விழா காட்சியில் ஆர்யாவின் வசனம் மூலம் வரும் சராசரி மனிதனின் comments மற்றும் அதற்கு சூர்யாவின் பதில்கள் bala's touch. சில காட்சியே வந்தாலும் கொடூரத்தின் மையமாக வரும் வில்லன் ஆர் கேவிற்கு பெரிதாக வேலை இல்லை என்றாலும் பாலா மட்டுமே படைக்க கூடிய ஒரு ரோல்.

யுவனின் இசையில் பாடல்கள் ஏற்கனவே ஹிட் என்றாலும் முக்கியமான இரண்டு நல்ல பாடல்களை (ஒரு மலை ஓரம் என்ற மெலடி மற்றும் அவன பத்தி நான் பாட போறேன் என்ற குத்து பட்டு )படத்தில் use செய்யாதது ஏமாற்றம்.

படத்தின் கடைசி இருபது நிமிடங்கள் பிதாமகன் படத்தின் காட்சிகளை கொஞ்சம் மாற்றி ரீமேக் செய்தது என்று பாமர ரசிகன் கூட உணர முடியும். வழக்கமாக படத்திற்கு படம் வித்தியாசமான கதைக்களனில் பயணம் செய்து மற்ற இயக்குனர்களில் இருந்து தனித்து விலகி நிற்கும் பாலா இந்த படத்தில் தனது சுயத்தில் இருந்தே விலகி நிற்பது போன்ற ஒரு உணர்வு. எப்போதும் சந்தோசமான முடிவு என் படத்தில் இருப்பதில்லை என்ற குறை அதிகம் பேர் கூறியதால் அவன் இவன் அப்படி இருக்காது என்று பாலா ஒரு முறை கூறியதாக ஞாபகம். ஆனால் அவரே நினைத்தால் கூட அதை மாற்ற முடியாது என்று நினைக்கிறேன். என்ன இந்த படத்தில் heroes சாக வில்லை ஆனால் முக்கிய கதாபாத்திரத்தை கொடூரமாக கொன்று அதே தாக்கத்தை கொண்டு வந்து விட்டார்.

படத்தின் பிளஸ் :

மிக வேகமாக நகரும் முதல் பாதி

வித்தியாசமான விஷால்

முதல் பாதி நகைச்சுவை

குறை :

வழக்கமான பாலாவின் வித்தியாசமான சிந்தனை மற்றும் திரைக்கதை இல்லாமல் எளிதாக யூகிக்க முடியும் வழக்கமான காட்சிகள் .

பிதாமகன் கிளைமாக்ஸ் repeat.

மொத்தத்தில் நேரத்தை செலவு செய்ய விரும்புபவர்கள் கண்டிப்பாக பார்க்கலாம். நல்ல timepass. ஆனால் பாலாவின் standards விரும்பி சென்றால் கொஞ்சம் ஏமாற்றம் மிஞ்சும். யானைக்கும் கொஞ்சம் அடி சறுக்கத்தான் செய்யும் போல ...

அவன் இவன் படம் முடியும் போது ஒரே கேள்வி தான் தோன்றுகிறது பாலாவை பற்றி : அவனா இவன் ?

பயணம் - எனது பார்வையில்

2011-02-12T19:35:00.000+05:30

பயணம்

அழகிய தீயே, மொழி, அபியும் நானும் போன்ற நல்ல படைப்புக்களை தந்த ராதா மோகன் - பிரகாஷ் ராஜ் கூட்டணியின் அடுத்த முயற்சி தான் இந்த பயணம். வழக்கமான ராதா மோகன் படம் என்றால் எந்த மன நிலையில் சென்றாலும் சந்தோசமாக திரும்பலாம். மேலும் குடும்பத்துடன் பார்க்க கூடிய ஒரு தரமான விரசம் இல்லாத ஒரு படமாக இருக்கும்.

தீவிரவாதிகளின் விமானக் கடத்தல், பயணிகள் மீட்கப்பட்டார்களா இல்லையா அவர்களின் நிலை என்ன என்பது தான் இந்த படத்தின் கதைக்களம் என்றவுடன் ஒரு இறுக்கமான திரைக்கதையாக இருக்கும் என்று நினைத்து சென்றேன். ஆனால் ஏமாற்றம் தான் எனக்கு. இந்த மாதிரி ஒரு கதையில் கூட இவ்வளவு இயல்பான நகைச்சுவையை கொடுத்து இன்ப அதிர்ச்சி கொடுத்து விட்டார் ராதா மோகன். அவர் பாணியில் spontaneous humour கலந்து ஒரு நல்ல படமாக கொடுத்திருக்கிறார்.

படத்தின் பெரிய பிளஸ் ஒவ்வொரு கதாபாத்திரமும் அதன் சரியான தேர்வும் தான் என்று சொல்லலாம். ஒவ்வொரு கதாபாத்திரமும் அழகு. விமான பயணிகலாகட்டும், pilot, தீவிரவாதிகள், NSG கமாண்டோவாக வரும் நாகர்ஜுனா என அனைத்தும் மிக சரியான தேர்வு.

குறிபிடத்தக்க கதாபாத்திரங்கள் :

1. பிறக்க போகும் தனது பேரனை பார்பதற்காக பயணிக்கும் ஒரு ஐயங்கார் கணவன் மனைவி. இவர்கள் இடையில் நடக்கும் உரையாடல் அனைத்துமே மிகவும் ரசிக்க கூடியவை. நிஜ வாழ்க்கையில் கிடைக்கும் அருமையான யதார்த்த நகைச்சுவை, படம் முழுவதுமே ஆக்கிரமித்துள்ளது ராதா மோகனின் brilliance.

2. " shining star " ஆக வரும் ப்ரித்விராஜ் மற்றும் அவரின் பக்கத்தில் அமர்ந்து பயணிக்கும் அவரது தீவிர ரசிகராக வருபவரும் செய்யும் காமெடிக்கு அரங்கமே அதிர்கிறது.

3 . கமாண்டோவாக வரும் நாகர்ஜுனா. தெலுங்கில் well established actor இந்த படத்திற்கு என்ன தேவையோ அதை மிக சரியான அளவில் செய்திருக்கிறார். தான் ஒரு director's actor என்பதை இன்னொரு முறை நிரூபித்து விட்டார். நீண்ட நாளுக்கு பிறகு அவர் நடிக்கும் நேரடி தமிழ் படம். But its worth the wait. மனுஷன் அநியாயத்துக்கு ஸ்மார்டா இருக்குறார். அவர் பையன் ஹீரோ ஆயாச்சு ஆனாலும் அவரை விட இவர் தான் இன்னும் smart தோற்றத்திலும் நடிப்பிலும்.

4. தீவிரவாதியின் தலைவனை போலவே இருக்கும் character artist ரகு character மற்றும் சினிமா இயக்குனராக வரும் பிரம்மி (பிரம்மானந்தம்) portion மனம் விட்டு சிரிக்க வைக்கும் ரகம்.

5 சன் டிவி டீலா நோ டீலா program compering செய்யும் அந்த நடிகர் (பெயர் தெரியவில்லை) மற்றும் சனா கான் இடையில் நடக்கும் இயல்பான உரையாடல்கள் அவர்களுக்குள் பூக்கும் அழகான நட்பு. மற்றும் இவர்களுடன் இருக்கும் retired colonel கதாபாத்திரத்தில் வரும் தலைவாசல் விஜயின் நேர்த்தியான நடிப்பு.சனா கான் சிலம்பாட்டத்தில் எனக்கு என்னவோ பிடிக்கவே இல்லை. இதில் கொஞ்சம் அழகாக கட்டி இருக்கிறார்கள்.

6 ராதா மோகன் favourite actors
குமரவேல் கதாபாத்திரத்தின் மூலம் டைரக்டர் கூறும் communism கருத்துக்கள்.
பாதிரியார் கதாபாத்திரத்தில் வரும் M S பாஸ்கர் மூலம் கொடுத்திருக்கும் மனித நேய கருத்துக்கள்.

7 Air Hostess கதாபாத்திரத்தில் வரும் பூனம் கவுர் ஓரிரு காட்சிகளில் நன்றாக நடித்துள்ளார்.

8 படத்திற்கு தேவையான சில இடங்களில் மட்டுமே வந்தாலும் ஒரு கட்டத்தில் தீவிரவாதிகளை எதிர்த்து ஏதும் செய்ய முடியாமல் தவிக்கும் இயலாமையை வெளிபடுத்தும் காட்சியை சர்வ சாதரணமாக ஊதி தள்ளி இருக்கிறார் பிரகாஷ் ராஜ்.

இன்னும் பல சொல்லி கொண்டே போகலாம் .........

படத்தின் பொருந்தாத அல்லது இன்னும் கொஞ்சம் நன்றாக இருந்திருக்கலாமே என்று நினைக்க வைப்பவை . தீவிரவாதிகளாக வரும் பசங்க (இனிது இனிது படத்தில் அறிமுகம் செய்த பசங்க தான் ) கொஞ்சம் over acting செய்வது தான்.

தெலுங்கிலும் release செய்வதால் நாகர்ஜுனா image பாதிக்கப்பட கூடாது என்பதற்காக சேர்த்திருக்கும் kashmir தீவிரவாதி தலைவனை கைது செய்யும் காட்சிகள் கொஞ்சம் cinematic.

படத்திற்கு மேலும் பலம் சேர்த்த விஷயம் ஞானவேலின் sharp and intelligent வசனங்கள்.

உதாரணமாக சரியான முடிவுகளை எடுக்க தெரியாமல் தவறான முடிவுகளையே எடுக்கும் ஒரு ஆபீசரிடம் நாகர்ஜுனா ஒரு காட்சியில் சொல்லும் இந்த வசனத்தை சொல்லலாம். " You are old but not experienced " . shining star ப்ரித்விராஜ் சினிமாவில் பேசிய பஞ்ச் வசனங்கள் நினைத்து நினைத்து சிரிக்க வைக்கும் ரகம்.

பிரவீன் மணியின் பிண்ணனி இசை படத்திற்கு பெரிதாய் பலம் சேர்க்க வில்லை என்றாலும் கெடுக்கவில்லை. இவர் miss செய்ததை score செய்திருப்பவர்கள் cinematographer குகன் (முக்கியமாக கடைசி சில நிமிடங்களில் நம்மை படத்துடன் involve செய்ய வைப்பது இவர் தான் ) மற்றும் art director கதிர். படத்தில் வரும் திருப்தி ஏர்போர்ட் என்பதுஇவர்கள் சொல்லி தான் தெரியும். படம் பார்க்கும் போது அப்படி ஒரு உணர்வே இல்லை.

ஒரே பாடல் அதுவும் டைட்டில் song. அதில் மதன் கார்கியின் வரிகள் அருமை. பயணம் பற்றிய கவிதை என்றே சொல்லலாம். மற்றபடி பாடல்கள் எதுவும் இல்லாமல் ஒரு இரண்டு மணி நேரம் நேரம் போவதே தெரியாமல் மனம் விட்டு சிரித்து மகிழ்ச்சியுடன் திரும்ப விரும்புபவர்கள் இந்த பயணத்தில் பங்கு கொள்ளலாம்.

மொத்தத்தில் இந்த கூட்டணியுடனான பயணம் நமக்கு ஒரு இனிய பயணம் தான்.

நந்தலாலா - விமர்சனம்

2010-11-28T19:21:00.002+05:30

நந்தலாலா பேரை கேட்கையில் ஒரு வித பரவசம் நம்மை தொற்றிக்கொள்ளும். அதை விட பல மடங்கு பரவசத்துடன் ஈரம் காயாத விழிகளோடு இதை எழுதுகிறேன்.

எவ்வளவு நாள் ஆச்சு இப்படி ஒரு தமிழ் திரைப்படத்தை ரசித்து பார்த்து. முதலில் இந்த படத்தின் குழுவிற்கு ஒரு royal salute.

படத்தின் கதை இது தான். தனது தாயை தேடி பயணம் மேற்கொள்ளும் ஒரு சிறுவனும் அதே காரணத்துடன் பயணிக்கும் ஒரு மனநலம் சரியில்லாத ஒரு மனிதனும் சந்திக்கும் மனிதர்கள் மற்றும் அவர்களின் அனுபவங்கள். அவர்களின் ஒவ்வொரு அனுபவமும் அவர்கள் சந்திக்கும் ஒவ்வொரு கதாபாத்திரமும் அந்த சூழ்நிலையும் தமிழ் சினிமாவிற்கு புதிது. ரசிக்கும் படியாகவும் உள்ளது சினிமாத்தனம் இல்லாமல்.

ஆனால் திரையில் செதுக்கி இருக்கும் விதம் நமக்கு ஒரு இனிய மறக்க முடியாத அனுபவம். இதற்கு பெரிய தூணாக ஏன் இந்த படத்தையே தூக்கி சுமப்பது இரண்டு விஷயங்கள். ஒன்று இசை ஞானி இளையராஜா அவர்களின் இசை இன்னொன்று புது புது கேமரா கோணங்களில் கதையுடன் நம்மையும் பயணிக்க வைக்கும் cinematographer மகேஷ் முத்துசாமி. படத்தில் வரும் பாத்திரங்களுடன் நாமும் சேர்ந்து பயணிப்பது போன்ற ஒரு உணர்வு வருவதற்கு இவரும் ஒரு மிக மிக முக்கிய காரணம். படத்தில் நடித்திருக்கும் இயக்குனர் மிஸ்கின் ஆகட்டும், அல்லது அகி என்ற கதாபாத்திரத்தில் வரும் அந்த சிறுவனாகட்டும் நாம் ஒரு படத்தை பார்க்கிறோம் என்ற நினைப்பே வராத வகையில் அருமையாக செய்துள்ளனர். ஸ்னிக்தாவிற்கு பெரிய அளவில் வேலை இல்லை என்றாலும் நிறைவாகவே செய்திருக்கிறார்.

title card போடும் போது நீரோடையின் ஓசையுடன் ஆரம்பிக்கும் இசைஞானி அவர்களின் இசை ராஜாங்கம் படம் முழுவதும் மட்டும் இல்லாமல் நம் மனது முழுவதும் ஆக்கிரமித்து படத்தின் ஒட்டு மொத்த உணர்வையும் நமக்கு கொடுத்து விடுகிறது என்றால் அது மிகை அல்ல. அந்த உணர்வை வார்த்தைகளால் விவரிக்க முடியாது. அனுபவத்தால் மட்டுமே உணர முடியும். திரை அரங்கில் என்னுடன் படம் பார்த்த பலரது கண்களில் தேம்பிய கண்ணீரே அதற்கு உதாரணம். ஒரு காட்சியில் அல்ல பல இடங்களில்.

"ஒன்னுக்கொன்னு துணை இருக்கும் உலகத்திலே அன்பு ஒன்னு தான் அனாதையா" பாடல் படத்தில் வரும் இடம் மற்றும் K J ஜேசுதாஸ் அவர்களின் உருக்கும் குரல் கல் நெஞ்சக்காரர்களை கூட கரைத்து விடும்.

" மண்ணில் தானே எல்லைக்கோடுகள் மனதில் கோடு யார் போட்டது ;
பெற்றால் தானா பிள்ளை பூமியில் எல்லாம் எல்லாம் நம் பார்வையில்"

இது போன்ற நல்ல கருத்துள்ள பாடலை கேட்கையில் " உன்னால் முடியும் தம்பி" படத்தின் எனக்கு மிகவும் பிடித்த " அக்கம் பக்கம் பாரடா சின்ன ராசா " பாடலை போன்ற ஒரு பாடல் இப்போது கூட நமக்கு கிடைக்கிறதே என்ற சந்தோசம் கிடைக்கிறது.

மேலும் " தாலாட்டு கேட்க நானும் " இளையராஜா அவர்களின் குரலில் சோகத்தை நம் நெஞ்சில் சேர்த்து விடுகிறது. அனைத்து பாடல்களை ஏற்கனவே அடிக்கடி கேட்டு விட்டதால் இன்னும் இரண்டு பாடலை கூட சேர்த்து இருக்கலாமே என்று ஒரு சின்ன ஆசை. ஆனால் படத்திற்கு அது தேவை இல்லை என்பது சரியான முடிவு தான்.

படத்தின் பல முக்கிய காட்சிகளில் வசனமே உபயோகிக்காமல் இசையின் மூலமே உணர்த்தியிருப்பது மிஸ்கினின் சாமர்த்தியம். இசையை உபயோகித்து இவ்வளவு விசயங்களை செய்ய முடியும் என்றால் அது இளையராஜா அவர்களால் மட்டுமே சாத்தியம் (True Maestro). இவரை போன்றவர்களின் காலத்தில் வாழ்ந்து இவர் படைப்புக்களை அனுபவிக்கும் அதிர்ஷ்டம் பெற்றவர்கள் நாம் அனைவரும்.

என்னடா படம் விமர்சனம் என்று போட்டு விட்டு இசையை பற்றி மட்டுமே சொல்லி கொண்டு இருக்கிறேன் என்று கேட்பவர்களுக்கு படத்தை பார்த்தால் நான் சொல்வது புரியும். இசை இல்லாத இந்த படத்தை நினைத்துக்கூட பார்க்க முடியவில்லை. அது தான் இந்த படத்தின் உயிர் நாடி. இதை மிஸ்கின் கூட சொன்னார் இப்படி " நந்தலாலா என்று இந்த படத்தின் பெயரை எழுதியது அவர் எழுதிய அடுத்த பெயர் இளையராஜா ".

சில இடங்களில் திரைக்கதையில் கொஞ்சம் தொய்வு இருந்தாலும் plus points மிக அதிகமாக இருக்கும் இது போன்ற நல்ல முயற்சியை கண்டிப்பாக வரவேற்க தான் வேண்டும்.

மொத்தத்தில் நந்தலாலா ஒரு திரைப்படம் அல்ல நல்ல இசையுடன் கூடிய ஒரு இனிய அனுபவம். DONT MISS IT.

டிஸ்கி : திரை அரங்கில் எங்களுடன் படம் பார்க்க வந்த நந்தலாலா படத்தின் associate director கூறிய ஒரு விஷயம் படத்தின் படத்தின் நீளம் கருதி கடைசி 45 நிமிட climax நீக்கப்பட்டிருக்கிறது. இசைஞானி அவர்களின் மிரட்டலான இசையில் மட்டுமே உருவான அந்த காட்சிகளை நம்மால் பார்க்க முடியவில்லையே என்ற வருத்தம் இருக்கிறது அவர் கூறிய அந்த வெளி வராத காட்சிகளை பற்றி கேட்டவுடன். ஆனால் அவர்கள் மிகவும் கஷ்டப்பட்டு எடுத்த அந்த காட்சிகளை படத்தின் dvd உடன் சேர்த்து ரிலீஸ் செய்ய திட்ட மிட்டிருக்கின்றனர் தயாரிப்பாளர்கள் என்பது தான் சந்தோசமான செய்தி.

மிஸ்கின் உருட்டி உருட்டி முழிக்கும் காட்சி கண்களிலேயே நிற்கிறது. படம் முடிந்து வெளியே சந்தித்த போது மிஸ்கின்னிடம் இவ்வளவு expression கொடுக்குற கண்ணை ஏன் சார் கண்ணாடி போட்டு மறைக்கிறீங்க என்று சில நண்பர்களும் எங்களுடன் சேர்ந்து சில family உடன் வந்திருந்த சில தாய்மார்களும் கேட்க உடனே மிஸ்கின் கண்ணாடியை கலட்டி விட்டு எங்களுக்கு போஸ் கொடுத்தார்.

எங்களை சந்தித்த மிஸ்கின் அவர்களுக்கும் எங்களுடன் சேர்ந்து படம் பார்த்த நந்தலாலா பட குழுவிற்கும் நன்றியை தெரிவித்து நாங்கள் கூறிய ஒரு விஷயம் இது போன்ற பல நல்ல படைப்புகளை உங்களிடம் எதிர்பார்க்கிறோம் என்று தான் .

எந்திரன் - இசை எனது பார்வையில்

2010-08-08T12:13:00.000+05:30

நீண்ட நாள் கிடந்த தவத்தின் பலன் இதோ ஓரளவு கிடைத்து விட்டது. ஆம் எந்திரன் பாடல்கள் வெளியாகி விட்டதை தான் சொல்கிறேன்.

முதலில் இந்த album நாயகன் oscar winner நமது ரகுமான் இத்தகைய படத்திற்கு தான் ரொம்ப ஏங்கி கிடந்திருக்கிறார் போல. சும்மா புகுந்து விளையாடி இருக்கிறார். என்ன என்ன experimentation பண்ண முடியுமோ அனைத்தையும் perfection உடன் செய்திருக்கிறார். அதன் விளைவு அனைத்து பாடல்களையும் கேட்கும் போது நமக்கு கிடைக்கும் ஒரு புதுமையான அனுபவம் .

சில பாடல்கள் ரகுமானின் வழக்கமான style பாடல்கள் தான். அவற்றை பற்றி முதலில் பேசுவோம்.

காதல் அணுக்கள்

காதல் அணுக்கள் உடம்பில் எத்தனை neutron electron உன் நீலக்கண்ணில் மொத்தம் எத்தனை என்று ஆரம்பிக்கும் ஒரு விஞ்ஞான எண்ணத்துடன் கூடிய duet பாடல். vintage rahman melody. கேட்பதற்கும் அதை விட பார்பதற்கும் மிகவும் இனிமையாக இருக்கிறது(உபயம் : trailor clipping).

அரிமா அரிமா

ஹரிஹரன் சாதனா சர்கம் பாடியிருக்கும் ஒரு perfect superstar பாடல்.

"உன் பேரை சொன்னதும் பெருமை சொன்னதும் உலகம் உலகம் கை தட்டும் நீ உலகம் தாண்டிய உயரம் கொண்டதில் நிலவு நிலவு தலை முட்டும் " என்று உண்மையை கூறி ரசிகர்களை உற்சாகத்தில் ஆழ்த்தும் இந்த வரிகள் தான் இந்த பாடலின் பெரும் பலம்.

"நான் மனிதன் அல்ல அக்றினையின் அரசன் நான் காமுற்ற கணினி நான் சின்னஞ்சிறுசின் இதயம் தின்னும் சிலிகான் சிங்கம் நான் "

என்று வைரமுத்து அவர்கள் ரோபோ ரஜினியின் புகழ் பாடியிருக்கும் பாடல். சிலிகான் சிங்கம் போன்ற வரிகள் வரும் போது ஹரிஹரன் அவர்களின் modulation அருமை.

Boom boom robo da zoom zoom robo da

ஏ ஆர் ரகுமான் வழக்கமாக rap பாட வைக்கும் blaze இல்லாமல் முதல் முறையாக Yogi B உடன் இணைந்திருக்கும் ஒரு rap பாடல். ரோபோ ரஜினியின் BGM என்று நினைக்கிறேன்.

வைரமுத்துவின் வாரிசு மதன் கார்க்கியின் (robotics professor என்று நினைக்கிறேன்) வரிகளில் அறிவியலும் தெரிகிறது தந்தை பாணியில் ஆய்வும் அறிவும் தெரிகிறது. எழுதுவது superstar ரஜினிக்கு என்பதால் இது போன்ற வரிகளை பாடலில் புகுத்தி இருப்பது அவர் புத்திசாலித்தனம்.

" ஆட்டோ ஆட்டோக்காரா ஏ ஆட்டோமேடிக் காரா கூட்டம் கூட்டம் பாரு உன் ஆட்டோகிராப்புக்கா "

Chitti Dance Showcase

பூம் பூம் ரோபோ டா பாடலின் இன்னொரு version. trailor பார்த்ததில் இருந்து இந்த பாடலில் இதுவரை பார்த்திடாத நம் superstar dance movements பார்க்கலாம் என்று நினைக்கிறேன்.

கிளிமாஞ்சாரோ

பா விஜய் எழுதியுள்ள ஒரே பாடல் . முழுக்க முழுக்க ஒரு african tribal song என்று ஷங்கர் சொல்லி இருக்கிறார். மேலும் மிச்சு பிச்சுவில் அருமையான இடங்களில் படமாக்கி இருக்கிறார்கள். கேட்பதற்கு புதுமையாக தான் இருக்கிறது. பார்ப்போம்.

இரும்பிலே ஒரு இருதயம்

முதலில் கேட்ட போது எது ஏதோ pop song போல இருக்கிறதே என்று நினைத்தேன். ஆனால் கேட்க கேட்க சும்மா பத்திக்கிர பாடல் இது. பாடியிருப்பவர் சாட்சாத் ஏ ஆர் ரகுமானே . தனது காந்தர்வ குரல் மூலம் magic செய்திருக்கிறார். அநேகமாக படம் பார்க்கும் போது இது தான் இன்னொரு அதிரடிக்காரன் போல இருக்கும். கார்க்கி அவர்கள் இந்த படத்தில் எழுதியிருக்கும் பாடல்களில் " The best "

எச்சில் இல்லா எந்தன் முத்தம் சர்ச்சை இன்றி கொள்வாயா
ரத்தம் இல்லா காதல் என்று ஒத்திப் போக சொல்வாயா

உயிரியல் மொழிகளில் எந்திரன் நானடி
உளவியல் மொழிகளில் இந்திரன் தானடி

என்பது போன்ற அறிவியல் ஹை கூ கவிதைகள் நம் தமிழ் திரை உலகிற்கு புதிது தான்.

இனி எந்திரனின் ஹைலைட்டிற்கு வருவோம் :

புதிய மனிதா

"Anything that starts well ends well " என்பது போல இந்த album ஆரம்பமே இந்த அதிரடி பாடல் தான். இந்த படத்தின் பாடல்களின் உச்சம் இந்த பாடல் தான்

இது வரை நாம் கேட்டிராத புதுமையான fresh ஆன இசை. ஏ ஆர் ரகுமானின் குரலில் எந்திரனின் உருவாக்கத்தை விளக்கும் பாடல் பின் அவர் மகள் கதிஜா குரலில் வந்து SPB அவர்களின் மயக்கும் குரலில் நுழையும் போதே நாம் இது வரை உணராத ஒரு உணர்வு வந்து விடுகிறது. மேலும் இந்த பாட்டிற்கு பக்க பலம் வைரமுத்து அவர்களின் வைர வரிகள் மற்றும் SPB . இவர்களை தவிர யாராலும் இது போன்ற ஒரு படைப்பை கொடுக்க முடியுமா என்பது சந்தேகமே !!!

விஞ்ஞானி ரஜினிக்கும் தான் உருவாக்கிய எந்திரனுக்கும் இடையில் உள்ள உறவை வைரமுத்துவை விட எவராலும் இப்படி வர்ணிக்க முடியாது.

ரோபோ ரோபோ பல மொழிகள் கற்றாலும் என் தந்தை மொழி தமிழ் அல்லவா
ரோபோ ரோபோ பல கண்டம் வென்றாலும் என் கர்த்தாவுக்கு அடிமை அல்லவா ! !

கருவில் பிறந்த எல்லாம் மரிக்கும் ; அறிவில் பிறந்தது மறிப்பதே இல்லை

நான் இன்னொரு நாண்முகனே , நீ என்பவன் என் மகனே ; ஆண் பெற்றவன் ஆண் மகனே ஆம் உன் பெயர் எந்திரனே

இந்த பாடலை கேட்கும் போது நமக்கே எந்திரனுடன் ஒரு பிணைப்பு ஏற்படுகிறது. ஷங்கர் கூறியதை போல ரகுமான் ஆஸ்காருக்கு 200 % தகுதியானவர் என்பதை இன்னொரு முறை உலகிற்கு நிருபித்திருக்கும் ஒரு பாடல்.

இந்த படத்தின் தன்மையை முழுதும் உணர்ந்து எழுதியிருக்கும் அருமையான வரிகளில் வைரமுத்து அவர்களின் உழைப்பு நம்மை வியப்பூட்டுகிறது.

இந்த படத்தின் பாடல்களை ஒவ்வொரு முறை கேட்கும் போது ஒவ்வொரு பாடல் முதல் இடத்தை பிடிக்கிறது. எந்த பாடல் மிகவும் பிடித்திருக்கிறது என்று அனைவரையும் கேட்டால் ஒவ்வொருவரும் ஒவ்வொரு பாடலை கூறுவதே இதற்கு ஒரு உதாரணம்.

மொத்தத்தில் ஒரு மிகவும் புதிய அனுபவத்தையும் சந்தோசத்தையும் கொடுத்த இந்த எந்திரன் குழுவிற்கு ஒரு royal salute. Superstar கூறியதை போல "Its going to be an experience" எந்திரன் படம் மட்டும் அல்ல பாடல்களும் ஒரு அனுபவம் தான். அதை வார்த்தைகளில் சொல்ல முடியாது நீங்களே உணருங்கள்.

இந்த பாடல்களை பற்றி மாற்றுக் கருத்து கொண்டவர்களுக்கு நான் பதில் சொல்ல வேண்டியதில்லை உலகமே பதில் சொல்கிறது.

apple itunes report மற்றும் UK , US நாடுகளில் இருந்து கூட வரும் வரவேற்பு.

தமிழ் திரைபடத்தை உலக அளவிற்கு கொண்டு செல்லும் ஷங்கர் மற்றும் அவர் குழுவின் இந்த முயற்சியை இரு கரம் கூப்பி வரவேற்கலாம்.

ஷங்கர், ரகுமான் , வைரமுத்து , ஐஸ் இவற்றை எல்லாம் தாண்டி புது அவதாரம் எடுக்கும் நம் superstar ரஜினிகாந்த். U cant anything bigger than this. Eagerly waiting for the awesome experience on screen.

புதிய மனிதா சீக்கிரம் பூமிக்கு வா !!!!!!!!!!!!!!!!!!!

Kites - விமர்சனம்

2010-05-23T11:29:00.000+05:30

Kites - விமர்சனம்

ரொம்ப நாள் படங்கள் இல்லாமல் நொந்து கெடந்ததால் இந்த வாரம் Double bonanza.

நீண்ட நாட்களுக்குப் பிறகு ரித்திக் ரோஷன் நடித்து அதிக செலவில் மிகுந்த எதிர்பார்ப்புடன் வெளி வந்திருக்கும் படம். பத்தாக்கொறைக்கு Barbara Mori வேறு.

படத்தின் கதை என்னமோ நமக்கு அதிகம் பழகிப் போன காதல் கதை தான். ஆனால் படத்தின் making totally different. பணத்திற்காக கிரீன் கார்டு வேண்டி தவிக்கும் பெண்களை திருமணம் செய்து அவர்களிடம் காசு வாங்குவது போன்ற வேலைகளை செய்து வரும் salsa instructor ரித்திக், அதே பணத்திற்காக தன்னை காதலிக்கும் ஒரு பெரிய casino owner பெண்ணின் காதலை ஏற்கிறார்.அதே போன்று காசுக்காக அந்த casino owner பையனை கல்யாணம் செய்யும் சூழ்நிலையில் இருக்கும் நாயகி Barbara Mori. இவர்கள் இருவருக்கும் காதல் ஏற்பட கடைசியில் என்ன ஆனது என்பதை நிறைய சுறுசுறுப்புடனும் கொஞ்சம் அலுப்புடனும் காட்டி இருக்கிறார்கள்.

Kites - உயர பறக்கும் போது சில சமயம் நெருங்கி வரும் சில சமயம் விலகி போகும் ஒரு சமயம் கூடவே பயணிக்கும். இது போன்ற ஒரு உறவை சொல்லும் படம் என்று சொல்லி ஆரம்பிக்கும் படத்தை கொஞ்சம் interesting ஆக கொண்டு செல்வது கதை சொல்லிய விதம். straight narration ஆக இல்லாமல் அடி பட்டு ஒரு கூட்ஸ் வண்டியில் கிடக்கும் ஹீரோவை காட்டி ஆரம்பிக்கும் கதை பிளாஷ் பாக்கில் செல்கிறது. அதே போல் பல காட்சிகளுக்கு பதில் கொஞ்சம் நேரம் கழித்து கிடைப்பது இயக்குனரின் புத்திசாலித்தனம்.

படத்திற்கு உயிர் தருவது ரித்திக் ரோஷன், பார்பரா மோரி இவர்களது performance என்று சொல்லலாம். மிகவும் இயல்பான உயிரோட்டமான நடிப்பு. இதற்கு மேலும் பலம் சேர்ப்பது cinematographers, இயக்குனர் anurag basu சொல்ல நினைத்ததில் பாதியை தனது கேமரா மூலம் புத்திசாலிதனமாக சொல்லி விடுகிறார்கள். crystal clear cinematography. mexican desert ஆகட்டும் , போலீஸ் chasing காட்சிகளாகட்டும் பின்னி எடுத்திருக்கிறார்கள். ரித்திக்கின் உழைப்பு படம் முழுக்க தெரிகிறது.மிகவும் ஸ்மார்ட்டாக இருக்கிறார். ஆனால் அவர் salsa instructor ஆக வருவதால் அவரது dance பார்க்க ரொம்ப ஆவலாக இருந்தேன் ஆனால் ஒரு பாடல் தான் அதில் அநியாயத்துக்கு ஆடியிருப்பார் இருந்தாலும் நான் நிறைய எதிர்பார்த்தால் கொஞ்சம் ஏமாற்றம். அடுத்து பார்பரா மோரி spanish பேசிக் கொண்டு அலையும் ஹீரோயின் இருந்தாலும் பாதி காட்சியில் தனது expression மூலமே ஸ்கோர் செய்து விடுகிறார். இந்த கதாபத்திரதிற்கு நல்ல தேர்வு. இன்னொரு சொல்லிக்கொள்ளும் படியான character ரித்திக் நண்பனாக வருபவர். நல்ல characterisation. மற்றும் ஒரு கதாநாயகியான கங்கனா ரணட்டிர்ற்கு பெரிதாக எதுவும் வேலை இல்லை.

இசை ராஜேஷ் ரோஷன். பாடல்கள் கிருஷ் அளவிற்கு இல்லை என்றாலும் மோசம் இல்லை. " Zindagi Do Pal Ki " மற்றும் suzanne, Hrithik பாடியிருக்கும் " Kites " தீம் நன்றாக இருந்தது. இதில் முதல் பாடல் எதோ ஒரு பழைய பாடலை நினைவு படுத்தினாலும் கேட்க நல்ல தான் இருக்கு.

படத்தில் ரசிக்கும் படியான இன்னொரு விஷயம் வசனங்கள். ஆங்கிலம் மட்டுமே தெரிந்த ஹீரோவும் ஸ்பானிஷ் மட்டுமே தெரிந்த ஹீரோயினும் திருமணம் செய்ய போகையில் அந்த ஊர் registraar நீங்கள் எப்படி காதலித்தீர்கள் என்று கேட்கையில் " we fell in love with music" என்று ஹீரோ சொல்வார். அதே போன்று ஹீரோயின் ஒரு காட்சியில் கூறும் வசனம் " I dont know from which part of the world u r from but u r my world now ". வெறும் பணத்திற்காக இருவரும் ஒரு பணக்காரனின் வீட்டில் வேறு ஒருவரை திருமணம் செய்ய நிச்சயம் செய்த நிலையில் இவர்கள் சந்தித்து பேசும் போது நீ உண்மையிலேயே அவனை காதலிக்கிறாயா என்று கேட்கும் போது " No I love his money " என்பது போன்ற வசனங்கள் simple but sharp. இது போன்ற சின்ன சின்ன விஷயம் ரசிக்கும் படியாக இருந்தது.

உங்கள் மொழியில் எப்படி " I Love you " சொல்வது என்று ஹீரோயின் கேட்கும் பொழுது இருவரும் தங்கள் தங்கள் மொழியில் தவறாக சொல்லி கொடுத்து விட அது தெரியாமல் மெக்சிகோவில் திருமணம் முடிந்த பின்பு ரித்திக் அனைவர் முன்பும் அதை சொல்லி மாட்டிக்கொள்ளும் கட்சி நன்றாக இருந்தது.

மொத்தத்தில் ஒரு நல்ல காதல் காவியத்தை கொஞ்சம் action கலந்து சொல்ல நினைத்திருக்கிறார்கள். என்ன இன்னும் கொஞ்சம் விறு விருப்புடன் சொல்லி இருக்கலாம். இரண்டாம் பாதி கொஞ்சம் தோய்வடைகின்றது. சில காட்சிகள் யூகிக்கும் படியாக இருப்பதும் இதற்கு ஒரு காரணம்.

Kites - Not up to the expectation but still worth the watch

கொல கொலயா முந்திரிக்கா - விமர்சனம்

2010-05-22T22:21:00.000+05:30

கொல கொலயா முந்திரிக்கா - விமர்சனம்

crazy மோகன் கதை வசனத்தில் மதுமிதாவின் இயக்கத்தில் ஏகப்பட்ட நடிகர்கள் பட்டாளத்தில் வந்திருக்கும் படம். இந்த படத்திற்கு போவதற்கு என்னை தூண்டிய ஒரே காரணம் crazy மோகன் தான்.

ஜமீன் பரம்பரைக்கு சொந்தமான சில வைரங்கள் பத்திரமாக மறைத்து வைக்கப்பட அதை தேடி அலையும் அந்த பரம்பரையில் வந்த ஆனந்தராஜ், மற்றும் பிறவி திருடர்களான ஹீரோ கார்த்திக்கும் ஹீரோயின் ஷிகாவும் இன்னும் இவர்களது எடுப்புகளும், இவர்களை சுற்றும் police inspector ஜெயராமும் என்ன ஆனார்கள் என்பது தான் கதை.

என்ன தான் சில இடங்களில் மொக்கை காமெடியாக இருந்தாலும் படம் முழுக்க சிரித்து ரசிக்கலாம் லாஜிக் எல்லாம் மறந்தால். அக்மார்க் crazy மோகன் வசனங்கள் இதிலும் எந்த குறையும் இல்லை. படத்தில் நிறைய நடிகர்கள் வந்தாலும் அனைவருமே காமெடியில் கலக்கி இருக்கிறார்கள். குறிப்பாக காமெடி timing பக்காவாக வரும் நடிகர்களான ஆனந்தராஜ், ஜெயராம், வாசு, டெல்லி கணேஷ், M.S. பாஸ்கர் ஆகியவர்கள் நல்ல கதாபாத்திர தேர்வு. ஆனந்தராஜ் போன்ற நடிகர்களை இன்னும் பயன்படுத்தலாம் நல்ல கதாபாத்திரங்கள் இருந்தால் என்று தோன்றுகிறது . மேலும் சில சின்ன சின்ன கதாபாத்திரங்கள் ரசிக்கும் படியாக இருந்தது. காதல் தாதாவாக சில நேரங்கள் வந்தாலும் நன்றாக செய்திருக்கிறார் ராதாரவி. ஹீரோயினுக்கும் ஹீரோவுக்கும் கிட்ட தட்ட சமமான வேடம். இயக்குனர் பெண்ணாக இருந்ததால் இந்த சம அந்தஸ்து தமிழ் படத்தில் அபூர்வமாக கிடைத்து விட்டது என்று நினைக்கிறேன். கார்த்திக் சில இடங்களில் சொதப்பினாலும் மொத்தத்தில் நன்றாகவே செய்திருக்கிறார்.

இடைவேளையின் போது திடீரென்று ஒரு surprise. ஒரு ஹீரோ guest appearance. கிளைமாக்ஸ் காட்சியில் crazy மோகன் சிறு வேடத்தில் காது கேட்காத ஜட்ஜ் ஆக வருவது எவர் கிரீன் தலைவர் கவுண்டமணி ஒரு பழைய படத்தில் crazy மோகன் வசனத்தில் அவருடன் நடித்த, கோவை சரளா காது கேட்காத பெண்ணாக வரும் காமெடியை நியாபகப்படுதுகிறது (அது தாங்க அந்த " M.A. Philosophy " ).

படத்தில் கொஞ்சம் கூட சகிக்க முடியாத ஒரு விஷயம் பாடல்கள். பிண்ணனி இசையும் சொல்லிகொள்ளும் படியாக இல்லை. இசை வெண்ணிலா கபடி குழு படத்தின் இசை அமைப்பாளர் கணேஷ். அந்த படத்தில் அருமையான இரண்டு பாடல்களை கொடுத்தவர் இதில் என்னவோ ஏமாற்றி விட்டார். better luck next time.

மொத்தத்தில் ஒரு திரைப்படம் போல் இல்லாமல் ஒரு நல்ல crazy மோகன் drama பார்க்க விரும்புபவர்கள் இந்த படத்தை பார்க்கலாம். சுறா, எறா போன்றவைகளால் சாவதற்கு பதில் இது போன்ற படங்களை பார்க்கலாம்.

கொல கொலயா முந்திரிக்கா - just time pass with some healthy dialogue comedies from good performers.

மனதிற்கு இன்பம் தரும் இசை

2010-04-09T20:31:00.005+05:30

பார்ப்பதற்கும், பின் அதை பற்றி எழுதுவதற்கும் நல்ல திரைப்படங்கள் எதுவும் வெளி வராததால் (IPL புண்ணியத்தில்), (அங்காடி தெரு தவிர்த்து )என் மனதிற்கு பிடித்த ஆனால் மிகவும் பிரபலம் ஆகாத சில நல்ல பாடல்களை பற்றி உங்களிடம் பகிர்ந்து கொள்ளலாம் என்று முடிவெடுத்து இதோ ஆரம்பித்து விட்டேன் .

முதல் பாடல் : இள வேனிற்கால பஞ்சமி அவள் வானில் வந்த பௌர்ணமி

பிரபு, மீனா நடித்த மனம் விரும்புதே உன்னை படத்தில் வரும் இந்த இனிய பாடல் என் "All time favourite" லிஸ்டில் ஒன்று . இசைஞானி இளையராஜாவின் அற்புதமான இசையில் பாடகர் ஹரிஹரன் மிகவும் ரசித்து பாடியிருக்கும் ஒரு பாடல் இது . படம் ஒரு மகா மொக்க படம் என்பதால் கிடைக்க வேண்டிய உரிய அங்கீகாரம் இந்த பாட்டுக்கு கிடைக்காமல் போய்விட்டது என்றே தோன்றுகிறது. ஒரு வேலை நல்ல படத்தில் வந்திருந்தால் இன்னும் அதிக பிரபலமாகியிருக்கும் இந்த பாடல்.

அம்மா இல்லாத ஒரு குழந்தையை வளர்க்கும் பிரபுவிடம் மீனா அதை பற்றி விசாரிக்கும் போது, அவர் தனது காதலியாக வாழ்வில் வந்து, பின் மனைவியாகவும், தாயாகவும் மாறி, பிறகு தன்னை விட்டு விட்டு இறந்து போன தனது மனைவியை பற்றி பாடுவதாக அமைந்த இந்த பாடலின் வரிகள் அனைத்தும் மிகவும் எழிமையாகவும் அதே சமயம் இசைக்கு ஏற்றார் போலவும் கவிதை நயத்துடனும் அமைந்தது இந்த பாடலின் இன்னொரு சிறப்பு.

"இள வேனிற்கால பஞ்சமி அவள் வானில் வந்த பௌர்ணமி சித்திர வானம் சித்திரம் தீட்டிடும் நேரம் ஒரு பத்தரை மாட்டு தங்க நிலாவை சந்தித்தேன்." என்று தொடங்கும் இந்த பாடலின் இசை மனதிற்கு இன்பம் தரும் வகையில் அமைந்திருக்கும். மேலும் இது போன்ற அற்புதமான வரிகளில் அமைந்திருக்கும்.

"தூக்கம் போனது அவளை நினைத்தே ஏக்கமானது பித்தனைப் போலானேன். பார்க்கும் இடமெல்லாம் அவளை போலே பாவை தெரிந்தது பைத்தியமாய் ஆனேன். என்னை போலே அவளும் இருந்தால் என்று அவள் சொல்ல கேட்டு அவள் சொல்லக் கேட்டு உள்ளம் எங்கோ போனது மீண்டும் மீண்டும் அவள் தான் வேண்டும் என்று என்னை தூண்டும் உள்ளம் பச்சை கோடி காட்டுது. இது இன்று வந்த சொந்தமா இல்லை ஜென்ம ஜென்ம பந்தமா ? "

தன்னை விட்டு பிரிந்து சென்றவள் விட்டு சென்ற சந்தோசமான நினைவுகளை நினைத்து நினைத்து ரசித்து பாடுவதாக அமைந்திருக்கும் இந்த பாடல் முடியும் வரிகள் எனக்கு மிகவும் பிடித்த ஒன்று. திருமணம் ஆகி தனக்கு ஒரு துணையாக ஒரு குழந்தையை கொடுத்து விட்டு நினைவை விட்டு மட்டும் நீங்காமல் சென்றதை இப்படி எழுதியிருப்பார் கவிஞர்.

"மஞ்சள் குங்குமம் கொண்ட தேவதை எந்தன் நெஞ்சிலே மங்கள நாள் கொண்டால். திங்கள் ஆடிடும் வானம் போலவே எங்கள் வீட்டிலே மழலயைத்தான் தந்தாள். பாட வைத்து உள்ளம் ஆட வைத்து அன்பு பாட்டு சொல்லி வீட்டில் இன்பம் தந்தவள். தேட வைத்து நெஞ்சம் ஆட வைத்து என்னை சொகத்தீயில் வேக வைத்து போனவள். இந்த ஏழை என்னை மறந்தாள். எந்தன் ஜீவனுக்குள் கலந்தாள் "

இவ்வளவு பிடித்த ஒரு பாடலாக இருந்தாலும் இந்த பாடலை எழுதியவர் யார் என்று இன்னும் எனக்கு தெரியாது. தெரிந்தவர்கள் பகிர்ந்து விட்டு செல்லவும்.

குறிப்பு : இந்த பாடல் பார்ப்பதை விட கேட்பதற்கு தான் மிகவும் சிறந்த ஒன்று.

இதற்கு மேலும் இதை பற்றி பேசி உங்களை வெறுப்பேற்ற விரும்பவில்லை. கேட்டு பாருங்கள் நீங்களும் உணர்வீர்கள். இதோ பாடல் கேட்டு ரசிக்க :

http://musicmazaa.com/MMaPlayer/play/

பதிவிறக்கம் செய்ய : http://w15.easy-share.com/8208221.html

பார்த்து ரசிக்க :

விஜய் 3 Idiots - சில சந்தேகங்கள்

2010-03-14T23:57:00.000+05:30

விஜய் 3 Idiots - சில சந்தேகங்கள்

ஹிந்தியில் டிசம்பரில் வெளி வந்து சக்கை போடு போட்ட ஒரு அருமையான திரைப்படமான 3 Idiots படத்தை தமிழில் டாக்டர் விஜய் செய்ய போவதாக ஒரு தகவல் பரவி வருகிறது. இது எந்த அளவிற்கு உண்மை என்று தெரியாத நிலையில் இது ஒரு வேலை நடந்தால் என்ன நடக்கும் என்ற எனது சந்தேகங்கள் ........

1. விஜய் கண்டிப்பாக ஆமிர் கான் கதாபாத்திரம் தான் வேண்டும் என்று சொல்வார் ( ஆமிர் கான் இடத்தில் விஜய் ??? ) என்றால் ஷார்மன் ஜோஷி மற்றும் மாதவன் வேடத்தில் யார் நடிப்பார்கள் ? விஜயின் அபிமான நடிகரான ஸ்ரீ மன் ????? (மண்ணா போச்சு )

2 . ஆமிர் கான் படத்தில் ஒரு புத்திசாலியான மாணவன் . மேலும் engineering முடித்த ஒரு scientist. அப்படியானால் நம் டாக்டர் விஜயும் புத்திசாலியான மாணவன் ? (இனி doctor + engineer விஜய் என்று போட்டு கொள்வர் போல )

3 . இந்த படத்தில் வரும் "all izz well " தமிழில் என்னவாக மாறும் ? ஒரு வேலை விஜய் தனது சிம்ம குரலில் " ங்கன்னா எல்லாம் நல்லயிருக்குங்கன்னா " என்று சொல்வார் போல . இல்லை " ங்கன்னா all izz well ங்கன்னா all izz well ங்கன்னா" என்றா ?

மேலே கூறிய அனைத்தையும் கொஞ்சம் நினைத்து பாருங்கள் . இது சும்மா சாம்பிள் தான் . மொத்த படமும் ஐயோ !!!!!!!!!!!!

நினைத்து பார்க்கவே எவ்வளவு கொடுமையாக இருக்கிறது. இது மட்டும் நடந்தால் .......

atleast சம்பந்தப்பட்டவர்கள் நினைத்து பார்ப்பார்களா ? யாராவது இந்த பேரழிவை தடுத்தால் நல்லது எனக்கு இல்லை சினிமா உலகிற்கே.

My name is khan - விமர்சனம்

2010-02-20T13:11:00.002+05:30

கரன் ஜோகர் இயக்கத்தில் பாலிவுட் கிங் ஷாருக்கான், கஜோல் இணைந்துள்ளதால் மிகுந்த எதிர்பார்ப்புடன் வந்திருக்கும் ஒரு திரைப்படம் - My name is khan.

சும்மா சொல்ல கூடாது எதிர்பார்த்ததை விட ஒரு மிக சிறந்த படத்தை கொடுத்திருக்கிறார்கள். அதை தான் collection report கூட பிரதிபலிக்கிறது.

எடுத்துக்கொண்ட கதை universally accepted one. அதை மிகவும் நேர்த்தியாக நல்ல technicians மற்றும் அதற்கேற்ற அனுபவமுள்ள திறமையான நடிகர்களை பயன்படுத்தி ஒரு அருமையான திரைபடத்தை கொடுத்துள்ளது இந்த டீம் .

படத்தின் மைய கதை இது தான் "Not all muslims are terrorists" . இதை சிரத்தை மிக்க திரைகதையின் மூலம் சொல்லியிருக்கிறார்கள் நெத்தி பொட்டில் அடித்தாற்போல.

படத்தின் மிக பெரிய பலம் ஷாருக் கான் மற்றும் கஜோல். இருவரும் தங்கள் எதார்த்தமான நடிப்பின் மூலம் படத்தை தூக்கி நிறுத்துகின்றனர். கரன் ஜோஹரால் இதை போன்ற ஒரு அருமையான படத்தை கொடுக்க முடியும் என்று என்னால் இன்னும் நம்ப முடியவில்லை. hats off to him .

முன்பு சில வருடங்கள் முன்பு cnn தொலைக்காட்சி devil's advocate நிகழ்ச்சியில் கரன் தப்பார் ஷாருக்கிடம் இப்படி ஒரு கேள்வியை கேட்டார் " sharukh only has five expressions when it comes to acting. nothing else? " என்று. அந்த கேள்விக்கு பதில் சொல்ல முடியாமல் அன்று திணறினார் ஷாருக் . ஆனால் அதற்க்கான பதிலை இப்போது My name is khan படத்தின் Rizvan Khan charecter மூலம் கொடுத்து விட்டார் என்றே நினைக்கிறன். ஷாருக் கான் இது வரை ஏற்ற கதாப்பாத்திரங்களிலேயே மிக சிறந்த ஒன்று என்றே இதை சொல்லலாம். " its a lifetime role that he will never forget neither we ". கஜோல் போன்ற ஒரு திறமையான நடிகை இது போன்ற சில நல்ல கதாபத்திரங்களை மட்டுமே தேர்வு செய்து நடிப்பது வரவேற்க்கத்தக்க ஒன்று. இது போலவே தொடர வாழ்த்துக்கள். ஷாருக்குடன் வரும் காட்சியாகட்டும், தனது மகனுடன் விளையாடுவதாகட்டும் , இறந்த மகனை பார்த்து அழுவதாகட்டும் kajol has portrayed it brilliantly once again.

படத்தில் பாராட்ட பட வேண்டிய மேலும் சில பேர் ஒளிப்பதிவாளர் ரவி கே சந்திரன் மற்றும் art department. ஒவ்வொரு காட்சியும் உலகத்தரம். ஜார்ஜியாவில் வரும் அந்த hurricane காட்சி மற்றும் அந்த church இவர்களின் உழைப்பிற்கு ஒரு சான்று. ரவி கே சந்திரன் அவர்களை தமிழ் திரையுலகம் இழந்து விட்டது என்றே நினைக்கிறன். மொத்தமாக bollywood அவரை குத்தகைக்கு எடுத்து விட்டது போல. எங்கே இருந்தால் என்ன அவர் செய்யும் படங்கள் எல்லாம் நல்ல படங்களாகவே இருக்கின்றன. அவரின் உழைப்பிற்கு மரியாதை கொடுக்க கூடிய நல்ல கதைகளையே தேர்ந்தெடுக்கிறார் என்பதே சந்தோசமான விஷயம் தான்.

இசை - shankar ehsaan loy . எந்த விதத்திலும் படத்தை கெடுக்காமல் மேலும் பலம் சேர்க்கும் பின்னணி இசை. "hum hoonge kaamiyab" என்ற பழைய படலை நம்பிக்கையின் பிரதிபலிப்பாக படத்தில் சேர்த்துள்ளனர். "tere naina" "sajda" போன்ற பாடல்கள் இனிமையாக வருகின்றன படத்தில் பின்னணியில். "Allah hi rahem " பின்னணியில் சரியான இடத்தில் வருகிறது.

கரன் ஜோஹரின் உழைப்பு படம் முழிவதுமே பளிச்சிடுகிறது. ஒவ்வொரு விசயத்தையும் துல்லியமாக யோசித்து செய்திருக்கின்றனர். இந்த கதை நடக்கும் இடம் U.S. என்பதும் பல வரலாற்று சம்பவங்களை கொண்டே திரை கதை செய்திருப்பதும் தான் நாம் கதையை relate செய்து படத்துடன் ஒன்ற உதவுகிறது. மேலும் யாராலும் உணரக்கூடிய பளிச் வசனங்கள் மற்றும் காட்சிகள் இது போன்று :

1. Sharukh's message for the US president and others " My name is khan and I am not a terrorist ".

2. ஷாருக்கின் தாய் சிறு வயதிலேயே அவருக்கு சொல்லி கொடுக்கும் உண்மை " there are only two separations in this world good and bad. apart from that nothing else ".

என்னதான் இருந்தாலும் சில logic மீறல்கள் படத்தில் இருந்தாலும் நல்லவை மிக அதிகமாக இருப்பதால் இவை பெரிதாக தெரிய வில்லை. கரன் ஜோகர், ஷாருக்கான், கஜோல் இணைந்து நாம் மறக்க முடியாத ஒரு தரமான படத்தை கொடுத்துள்ளனர்.

Bottom line : His name is khan and he is not a terrorist. So you can watch it without fear. Dont miss it.

கோவா - விமர்சனம்

2010-01-29T17:40:00.005+05:30

ஏற்கனவே யாரும் எதிர்பார்க்காமல் இரண்டு வெற்றி படங்களை கொடுத்த வெங்கட் பிரபுவின் மூன்றாவது படம், ரஜினியின் மகள் சௌந்தர்யாவின் ஆக்கர் ஸ்டுடியோஸின் முதல் தயாரிப்பு என்ற எதிர்பார்ப்புடன் வந்திருக்கும் ஒரு திரைப்படம் - கோவா.

படத்தின் கதையை நான் கண்டிப்பாக சொல்ல போவதில்லை. ஏன் யாரும் சொல்ல முடியாது. அப்படி ஒன்று இருந்தால் தானே சொல்ல முடியும்.

ஏற்கனவே நாம் பல பழைய படங்களில் பார்த்த செண்டிமெண்ட் காட்சிகளை எல்லாம் நக்கல் செய்யும் விதத்தில் வரும் கிராமத்து காட்சிகளில் படம் தொடங்கும் போது ஆஹா வெங்கட் பிரபு மறுபடியும் கலக்க போறாருன்னு நெனச்சேன். அந்த காட்சிகளில் ஆனந்தராஜ் மனுஷன் dialogue delivery மற்றும் நக்கலில் பின்னி எடுத்திருக்கிறார். மொத்தம் ஒரு பத்து நிமிஷமே வந்தாலும் ரசிக்கும் படியாக இருக்கிறது. விஜய் குமார் , சண்முக சுந்தரம் என அனைவரும் நன்றாக செய்திருக்கின்றனர்.

அதன் பிறகு தான் படத்தின் உண்மையான சொரூபம் தெரிந்தது. படத்தில் ரசிக்கும் படியாக சில பல காட்சிகள் இருந்தாலும் கதை என்று பேருக்காவது எதையாவது யோசித்து இருக்கலாம் என்று தோன்றுகிறது. அது இல்லாததால் தான் என்னவோ பல இடங்களில் மொக்கையாக இருக்கிறது.

படத்தில் இருக்கும் சில ரசிக்க முடிந்த விஷயங்கள் :

1 . நாம் ஏற்கனவே பார்த்த நமது படங்களை நக்கல் செய்திருக்கும் spoof comedy

2 . வைபவ் எதாவது பெண்ணை செட் செய்து விட்டால் அவர் முகத்தில் லைட் அடித்து பீ ஜி எம்மில் வரும் சின்ன விடு படத்தின் "நாகிர்தனா " தீம் மியூசிக்.

3 . பிரேம் ஜிக்கு பீ ஜி எம்மில் வரும் 'கண்கள் இரண்டால் " பாடலும் அதில் தலையை ஆட்டி ஆட்டி அவர் ஜெய்யை imitate செய்வது .

4 பிரேம் ஜியின் காதலியாக வரும் அந்த foreign பொண்ணு அழகோ அழகு.

கிளைமாக்ஸ் surprise நன்றாக இருந்தது .

படத்தில் இருக்கும் இன்னொரு நல்ல விஷயம் யுவன் ஷங்கர் ராஜா . பாடல்கள் அனைத்துமே ஏற்கனவே ஹிட். ஏழேழு தலைமுறைக்கும் பாடல் கங்கை அமரனின் எதார்த்தமான வரிகளில் பண்ணைபுர வாரிசுகள் மிகவும் ரசித்து பாடியிருக்கின்றனர். அன்ட்ரியாவும் விஜய் டிவி சூப்பர் சிங்கரின் வெற்றியாளரான அஜீஷும் பாடியிருக்கும் "இது வரை இல்லாத உணர்விது " பாடல் அருமையான மெலடி என்றால் இசைஞானி இளையராஜா , எஸ் பி பி அவர்கள் மற்றும் சித்ரா அவர்களின் பிரம்மண்டமான கூட்டணியில் வரும் "வாலிபா வா வா " பாடல் கேட்கும் போது மிகவும் பிடித்த பாடல். ஆனால் அந்த பாடலை இதை விட கேவலமான ஒரு சிட்டுவேசனில் படத்தில் யாராலும் சேர்க்க முடியாது. என்ன கொடுமை சார் இது .

படத்தில் சகிக்கவே முடியாத சில விஷயங்கள் :

சம்பத் character மற்றும் அரவிந்த் சம்பத் சம்பத்தப்பட்ட காட்சிகள் .
சினேஹா - வைபவ் flashback மற்றும் அந்த கப்பல் காட்சிகள் செம மொக்கை.

மொத்தத்தில் சௌந்தர்யா ரஜினிகாந்தின் புண்ணியத்தில் மொத்த டீமும் வெங்கட் பிரபுவின் holiday கோவாவில் கொண்டாடி இருக்கின்றனர் .கோவா எப்படி எல்லாம் இருக்கும் என்பதை மட்டும் நமக்கு காட்டி இருக்கின்றனர். கொஞ்சம் கதையையும் சிந்தித்து இருக்கலாம் என்று தொன்றுகிறது.

bottomline : கோவா படத்திற்கு சென்றதற்கு பதில் இன்னும் கொஞ்சம் செலவு செய்து கோவாவிற்கே போய் அதை பார்த்திருக்கலாம்.

என் கருத்துக்களை நீங்கள் அறிய இங்கே கொடுத்துள்ளேன். உங்கள் கருத்துக்களை நான் தெரிந்து கொள்ள இங்கே பதிவு செய்யவும்.

ஆயிரத்தில் ஒருவன் - விமர்சனம்

2010-01-14T14:15:00.001+05:30

ஆயிரத்தில் ஒருவன்

செல்வராகவன் இயக்கத்தில் பருத்தி வீரன் கார்த்தி நடிக்கும் படம். trailor பார்த்தே மிரண்டு போய் படத்திற்கு சென்றேன் மிகுந்த எதிர்பார்ப்புடன். கொஞ்சம் ஏமாற்றி தான் விட்டார்கள் .

சோழர்கள் பாண்டியர்களிடம் இருந்து தப்பி செல்லும் போது அவர்களின் பொக்கிஷமான ஒரு சிலையும் எடுத்து சென்று விடுகின்றனர். அவர்கள் இருக்கும் இடத்தை யாரும் கண்டு பிடிக்க முடியாது இருக்க எட்டு வகையான ஆபத்துக்களை உருவாக்கி வைத்திருக்கின்றனர் . அந்த சோழர்கள் இருந்த இடத்தை தேடி செல்லும் ஒரு பயணத்தில் அந்த ஆபத்துக்களை எல்லாம் எதிர் கொண்டு கடந்து சென்றால் அங்கு அவரகளுக்கு ஒரு அதிர்ச்சி காத்து இருக்கிறது . சோழர்கள் என்ன ஆனார்கள் ? என்ன நடந்தது ? என்பதை கொஞ்சம் விறுவிறுப்புடனும் கொஞ்சம் கடுப்புடனும் காட்டி இருக்கின்றனர் .

ரீமா சென் தலைமையில் செல்லும் அந்த குழுவிற்கு உதவியாளர்களாக வருபவர்களின் தலைவனாக கார்த்தி . சும்மா சொல்ல கூடாது கார்த்தி கலக்கி இருக்கிறார் தனது dialogue delivery மற்றும் body language மூலம். பருத்தி வீரனில் இருந்த அதே வகையான நக்கல் பேச்சுடன் அறிமுகமாகும் அவரின் அட்டகாசம் முதல் பாதியை கலகலப்புடன் கொண்டு செல்கிறது . வித விதமான ஆபத்துக்களை அவர்கள் கடந்து செல்வதும் , அடுத்து என்ன நடக்க போகிறது என்ற எதிர்பார்ப்பும் முதல் பாதியை விறு விறுப்பாகவே கொண்டு செல்கிறது. இருந்தாலும் இரண்டாவது பாதியில் என்ன செய்வது என்று தெரியாமல் பல விசயங்களை சொல்ல முயற்சி செய்து அறை குறையாக முடிகிறது படம் .

சோழர்களின் அரசனாக பார்த்திபன் பல இடங்களில் முதிர்ந்த நடிப்பை காட்டினாலும் மோசமான திரை கதையினால் சில இடங்களில் (உதாரணமாக ரீமா சென்னுடன் போடும் சண்டை ) எடுபடாமல் போய் விட்டது .

இசை ஜி வி பிரகாஷ் . படால்கள் ஏற்கனவே hit ஆகியிருந்தாலும் படத்தில் தேவை இல்லாத இடத்தில் வந்து தொலைக்கின்றன. இரண்டு பாடல்களை தவிர . "உன் மேல ஆச தான் " பாடல் அட்டகசபடுத்தும் விதம் என்றாலும் மனதில் நிற்கும் பாடல் விஜய் ஜேசுதாஸ் மற்றும் நித்ய ஸ்ரீ பாடிய "தாய் தின்ற மண்ணே " பாடல் தான் .

இப்படிப்பட்ட ஒரு வித்யாசமான முயற்சியை செய்ததற்காக செல்வ ராகவனை பாராட்டினாலும் அதை ஒழுங்காக அவர் செய்து முடிக்க வில்லை என்றே சொல்ல வேண்டும் . மொத்த பட குழுவும் பட்ட கஷ்டம் படத்தின் ஒவ்வொரு காட்சியிலும் தெரிகிறது . முக்கியமாக செல்வா சொல்லியதை போல junior artists மிகவும் கஷ்டப்பட்டு இருக்கிறார்கள் மற்றும் ஒளிப்பதிவாளர் .

படம் முழுவதும் தெரியும் உயிரோட்டமாக திரியும் இன்னொரு விஷயம் வைரமுத்து அவர்களின் வைர வரிகள் . மிகவும் உழைத்திருக்கிறார் அவர் . பாதி படத்தின் வசனங்களை திரை அரங்கில் சில பேர் தமிழ் அல்லாத வேற்று மொழியை போல் திரு திருவென விழித்து பார்க்கின்றனர். சோழர்கள் உண்மையிலேயே எந்த விதத்தில் பேசி இருப்பார்கள் என்று பெரிய ஆராய்ச்சியே செய்து வரிகளை எழுதியிருக்கிறார் மனுஷன்.

செல்வா படம் என்பதை அண்ட்ரியா மற்றும் ரீமா சென் வருவதை வைத்து தான் கண்டு பிடிக்க முடிகிறது . அவரின் மற்ற படங்களில் இருந்த தெளிவான திரை கதை இந்த படத்தில் missing .

சில ஆபத்துக்களை அநியாயத்துக்கு சிந்தித்து அற்புதமாக graphics செய்திருந்தாலும் (சிவனின் நிழல் மூலம் தப்பிக்கும் காட்சி ) மேலும் சில வற்றை மொக்கையான graphics கொண்டு செய்திருக்கிறார்கள் (தண்ணீரில் வரும் ஆபத்து ). படத்தின் highlight சிவனின் நிழல் மூலம் தப்பிக்கும் காட்சி மற்றும் போர் காட்சிகள் .

ஆயிரத்தில் ஒருவருக்கு வரும் தைரியத்துடன் இந்த மாதிரி ஒரு கதையை, படத்தை தொடங்கிய செல்வா நிறைய இடத்தில் கோட்டை விட்டு விட்டார் என்றே தெரிகிறது . மொத்தத்தில் நிறைய எதிர்பார்த்து சென்ற எனக்கு என்னமோ இந்த படம் கொஞ்சம் ஏமாற்றம் தான் .

இன்று என்னுடன் பொங்கலுக்கு கூட வீட்டில் இல்லாமல் திரை அரங்கில் முதல் கட்சியை பார்க்க சென்று திருப்தி இல்லாமல் வீடு திரும்பிய ஆயிரத்தில் ஒருவன்
ROBOT

3 Idiots - திரை விமர்சனம்

2009-12-25T13:31:00.004+05:30

நல்ல கருத்துக்களை அனைவரும் ரசிக்கும் வகையில் நகைச்சுவை கலந்து திரைப்படமாக கொடுப்பதற்கு பேர் போன இயக்குனரான ராஜ் குமார் ஹிரானியும் (munnabhai series புகழ்) புதிய நல்ல முயற்சிகளின் குருவான ஆமிர் கானும் இணைந்தால் என்ன கிடைக்கும் ?
நம்மை மகிழ்விக்க கூடிய ஒரு அற்புதமான திரைப்படம் தான் கிடைக்கும். அது தான் இந்த 3 Idiots.

படத்தில் சொல்ல வந்திருக்கும் கருத்து இது தான் .

"உன் profession உன் கையில் "

பெற்றோர்களின் கட்டாயத்தால் நாம் நமது கல்வியை, தொழிலை தேர்ந்தெடுக்காமல் நாம் விரும்பிய துறையில் படித்து அதில் வேலை செய்தால் வாழ்க்கை மிகவும் இனிக்கும் என்பதே இந்த படத்தின் 1 line story.

இந்த line நாம் ஏற்கனவே பல படங்களில் பார்த்ததாக இருந்தாலும் (சந்தோஷ் சுப்ரமணியம் என்ன அதில் இன்னொன்றையும் profession+ marriage நம் இஷ்டப்படி செய்ய வேண்டும் என்று சொல்லி இருப்பார்கள் , taare zameen par). அதை present செய்த விதம் மிகவும் புதுசு. நல்ல விஷயத்தை நல்ல முறையில் எத்தனை தடவை தந்தாலும் பார்க்கலாம் .

படம் முழுவதும் ஒரு வித freshness இருப்பது இயக்குனரின் திறமை.

கல்லூரி வாழ்கையில் சிலர் புத்தகமும் கையுமாக அலைவார்கள் . ஆனால் சிலர் புத்தகம் மட்டுமே வாழ்கை இல்லை "education is not only in books its in the way u learn things" என்ற கொள்கையுடன் திரிவார்கள் .இதில் முதல் வகை மாணவன் ஒருவனுக்கும் இரண்டாவது வகை மாணவனுக்கும் வாழ்வில் யார் வெற்றி பெறுகிறார் என்று நடக்கும் ஒரு சிறு போட்டி தான் மைய கதை . அந்த இரண்டாவது வகை மாணவனான ஆமிர் கான் கதா பத்திரம் மூலம் நமது கல்வி முறையில் உள்ள பெரிய தவறுகளை சுட்டி காட்டுகிறார் இயக்குனர் . அது என்னவோ மறுக்க முடியாத உண்மையாகவே படுகிறது . Instead of practically learning things, we are still focussed only towards clearing the exam and getting marks. அந்த இரண்டாவது வகை மாணவன் rancho வாகிய ஆமிர் கானும் அவன் கூட்டாளியான மாதவனும், ஷார்மன் ஜோஷியும்(3 Idiots) கல்லூரியில் செய்யும் அட்டகாசத்தை ரசிக்கும் படியாக படமாக்கி உள்ளனர் .

இந்த வயதில் ஆமிர் கான் college student ? என்று கேட்பவர்களுக்கு நம்மாளு ஏழு கழுத வயசுல +2 பல தடவை fail ஆகி அப்புறம் pass ஆகி காலேஜ் படிக்கிறாரே அந்த மாதிரியா என்று கேட்காதீர்கள். படத்தில் வரும் மூன்று பேரில் ஆமிர் கான் தான் மிகவும் மூத்தவர் என்று படம் பார்பவர்கள் உணரவே வாய்ப்பில்லை. அந்த அளவுக்கு முயற்சி எடுத்து தன் 8 pack கஜினி உடம்பை பல கிலோ குறைத்து உண்மையிலேயே காலேஜ் ஸ்டுடென்ட் போல இருப்பவரே அவர் தான் படத்தில் .

குறிப்பு : இவர் தன் உடம்பை குறைப்பதற்காக வெறும் பாலும் பிரட்டும் சாப்பிட்டு வாழ்ந்தாராம் . தன் பிறந்த நாள் கேக்கை கூட சாப்பிடவில்லையாம் .இது தான் ஆமிர் கானின் professionalism.

மாதவனும், ஷார்மன் ஜோஷியும், காலேஜ் principal ஆக வரும் போமன் இராணியும் , ஆமிருடன் போட்டி போடும் அந்த மாணவனும் தங்கள் வேலையை முழுமையாக செய்திருக்கின்றனர் . மிக சிறிய நேரமே வந்தாலும் மனதை கொள்ளை கொள்ளும் இன்னொரு கதாபாத்திரம் காலேஜ் ஹாஸ்டலில் வேலை செய்யும் சிறுவனான மில்லி மீட்டர் .

படத்தின் பிளஸ் :

படத்தின் தூணாக இருக்கும் ஆமிர் கான் மற்றும் படத்துடன் இணைந்து பயணிக்கும் healthy comedy.

1. சொல்ல வந்தது சீரியசான மேட்டர் என்றாலும் ஒரு நிமிடம் கூட சலிப்பு தட்டாமல் படம் முழுவதும் ரசித்து சிரித்து மகிழும் படியாக தந்திருக்கிறார்கள்.

2.ஒரு வருடத்திற்கு ஒன்று அல்லது இரண்டு படங்களை கொடுத்தாலும் அதை தரமானதாக கொடுப்பதற்காகவே ஆமிர் கானை பாராட்டலாம்.

Highlights :

ராஜ் குமார் ஹிரானியின் ஒவ்வொரு படங்களிலும் ஒவ்வொரு positive மேட்டர் இருக்கும்

munnabhai mbbs - கட்டி புடி வைத்தியம்

munnabhai2- GET WELL SOON (அஹிம்சா வழி)

3 Idiots - ALL IZZ WELL (படம் பார்த்தவர்களுக்கு புரியும்) இதுவும் ஹிட்டு தான் .

கல்லூரி விழாவின் போது ஹிந்தி அரை குறையாக தெரிந்த அந்த opposite மாணவன் , அனைவரையும் கவர்வதற்காக தான் இன்னொருவரிடம் கேட்டு ஹிந்தியில் எழுதி வைத்த ஸ்க்ரிப்டில் சில வார்த்தைகளை ஆமிர் கான் மாற்றி எழுதி வைக்க அது புரியாமல் அந்த மாணவன் அதை மேடையில் படிக்கும் காமெடி காட்சிக்கு முழு அரங்கமே விழுந்து விழுந்து சிரிக்கிறது.

படத்தில் வரும் அந்த பிரசவ காட்சி நல்ல காட்சியமைப்பு .

கிளைமாக்ஸ் காட்சியில் வரும் திருப்பம் யூகிக்க முடிந்தாலும் நன்றாகவே இருக்கிறது .

இன்னும் பல .....

படத்தின் பாடல்கள் எங்கேயோ கேட்ட மெட்டுக்கள் ஆனாலும் படத்துடன் பார்க்கையில் ரசிக்க முடிகிறது . படத்தில் குறிப்பிட்டு சொல்ல வேண்டிய இன்னொரு நபர் கேமரா மேன் . சிம்லாவாகட்டும் மணாலியாகட்டும் காலேஜ் ஆகட்டும் அனைத்தையும் கண்ணுக்கு குளிர்ச்சியாக படமாக்கி இருக்கிறார்.

குறை :

1.பல லாஜிக் மீறல்கள் .

2. படம் முழுக்க நகைச்சுவையாக போவதாலோ என்னவோ all is well பாடலுக்கு பிறகு வரும் tragedy காட்சி படத்துடன் ஒட்டவில்லை .

3 கரீனா கபூரின் காதல் காட்சிகளும் படத்துடன் தனித்தே வருகின்றன.
---------------------------------------------------------------
ராஜ் குமார் ஹிரானியால் நல்ல கதையை வைத்து கொண்டு காமெடி கலந்து மேலும் பல அருமையான feel good படங்களை கொடுக்க முடியும் என்றே தோன்றுகிறது . அவருக்கு ஒரு பெரிய salute . munnabahi mbbs படத்தை பல மொழிகளில் பல தடவை பார்த்தும் படம் இன்னும் சலிக்க வில்லை என்பதே இதற்கு ஒரு உதாரணம் .

மொத்தத்தில் உங்கள் கவலைகளை எல்லாம் மறந்து சந்தோசமாக ஒரு இரண்டரை மணி நேரத்தை கழிக்க வேண்டுமானால் இந்த படத்திற்கு தாராளமாக செல்லலாம்.

Bottomline:
Come with a grin , go with a big smile on your face
இன்னும் இந்த படம் பற்றி மறந்தவைகளை முடிந்தால் மறுபடியும் எழுதுகிறேன். நண்பர்கள் மீண்டும் அழைப்பதால் இப்போது மீண்டும் தயாராகிறேன் 3 Idiots பார்க்க .

சூப்பர் ஸ்டாருக்கு ஒரு இதயம் கனிந்த வாழ்த்து

2009-12-12T11:10:00.002+05:30

"அடுத்தவன கெடுத்ததில்லை வயுத்துல தான் அடிச்சதில்ல உழைப்ப நம்பி பொழைப்பு நடத்துறேன் நான் உண்மையாக ஊருக்குள்ள "
என்ற வரிகளுக்கு எடுத்துக்காட்டாய் வாழும் தலைவனே !
உன் கடின உழைப்பினால் புகழின் உச்சியை அடைந்த போதும் தன்னடக்கத்தின் முழு உருவமாய் வாழ்ந்து கொண்டு இருப்பவனே ! உன் நிலையில் மற்றவர்கள் இருந்தால் அவர்கள் செய்யும் அட்டகாசத்தை நினைத்து கூட பார்க்க முடியாது .
உன்னிடம் தான் கற்றுகொள்ள இன்னும் எத்தனை எத்தனை உள்ளது . உன்னிடம் உள்ள அனைத்து நல்ல குணங்களையும் கற்றுகொள்ள இந்த ஒரு ஜென்மம் போதாது எங்களுக்கு. நீ உயர்ந்தது மட்டும் இன்றி உன்னை நம்பி இருக்கும் அனைவருக்கும் முடிந்த வரை உதவி அவர்களையும் முன்னுக்கு கொண்டு வரும் உன் குணம் யாருக்கு வரும் . நீ எப்போதும் பசியோடு இருப்பவர்களுக்கு உணவை கொடுப்பவர் இல்லை மாறாக அவர்களுக்கு மீன் பிடிக்க கற்று கொடுப்பவர் . அதனால் அவர்கள் தங்கள் உழைப்பினால் வாழ கற்றுக்கொள்கின்றனர் . உதவி செய்வது பெரிதில்லை ஆனால் அந்த உதவி உரியவர்களுக்கு உரிய விதத்தில் இருக்க வேண்டும் என்று எங்கள் அனைவருக்கும் கற்று கொடுத்து இருக்கிறாய் . உன்னால் இப்போது உன் அன்பு தம்பிகளாகிய ரசிகர்களும் தங்களால் முடிந்த வரை மற்றவர்களுக்கு உதவி செய்வதில் வல்லவர்களாகி விட்டனர் என்பது இப்போது அவர்கள் செய்து வரும் நல்ல செயல்களினால் புலனாகிறது.

உன்னால் கெட்டவர்கள் யாரும் இல்லை இந்த உலகில் ஆனால் வாழ்ந்தவர்கள் கோடான கோடி .

உன்னை இகழ்பவரையும் "இன்னா செய்தாரை ஒருத்தல் அவர் நாண நன்னயம் செய்து விடல் " என்னும் குறளுக்கேற்ப உன் அன்பினால் மற்றுபவனே !

கெட்டவர்களுக்கு பொல்லாதவனாகவும , நல்லவனுக்கு நல்லவனாகவும் , தர்மத்தின் தலைவனாகவும் , எங்களுக்கு கிடைத்த அரிய முத்தே ! எங்கள் அனைவருக்கும் ஆன்மிகத்தின் சக்தியை உணர வாய்த்த அருணாச்சலமே , படையப்பாவே , ராகவேந்திரரே !

நீ நீண்ட நாள் நலமுடனும் சந்தோசத்துடனும், நிம்மதியுடனும் (சந்தோசத்திற்கும் நிம்மதிக்கும் தான் வித்தியாசத்தை எங்களுக்கு கற்று கொடுத்து விட்டாயே ) வாழ எல்லாம் வல்ல இறைவனை பிரார்த்திக்கிறோம் .

சூப்பர் ஸ்டார் ரஜினிகாந்த் அவர்களுக்கு இதயம் கனிந்த பிறந்த நாள் வாழ்த்துக்கள்.

இப்படிக்கு தானாக சேர்ந்த உன் கோடானு கோடி அன்பு சாம்ராஜ்யத்தில் ஒருவன் .

paa - விமர்சனம்

2009-12-06T20:51:00.002+05:30

paa - விமர்சனம்

காதல் , வெட்டு குத்து , அடி தடி போன்றவை உள்ள படங்களை பார்த்து சலித்து போனவர்களுக்கு வரப்பிரசாதம் இந்த திரைப்படம் .

யதார்த்தமான வித்தியாசமான கதையுடன் எல்லா விதத்திலும் நேர்த்தியுடன் இந்த படத்தை உருவாக்கியுள்ளனர். progeria என்ற நோயால் பதிக்கப்பட்ட ஒரு சிறுவனை சுற்றி அமைந்திருக்கும் திரைக்கதை. progeria என்னும் நோயால் பாதிக்கபட்டவர்கள் ஒரு வயது ஆவதற்குள் ஐந்து மடங்கு வயதானவர்களை போல ஆகி விடுவர்.

progeria என்ற நோயுள்ள குழந்தை ஆரோ . இவர் தனது பாட்டி மற்றும் தாயுடன் வசிக்கிறார் . இவரின் தந்தையான அபிஷேக் பச்சன் அரசியல்வாதி. அரசியல் வாதி என்றால் நம் வழக்கமான ரவுடிகளுடன் திரியும் அரசியல் வாதி அல்ல. அரசியல் என்பது கூட ஒரு நல்ல தொழில் தான் அதில் கூட நாம் செய்ய வேண்டிய கடமை நிறைய இருக்கிறது என்று கருதும் ஒருவர். ஆரோ வின் தாய் வித்யா பாலன் ஒரு "gynaecologist" பிரசவ டாக்டர் . இருவருக்கும் திருமணம் ஆகும் முன்பே பிறந்த குழந்தையான ஆரோவினால் தன் லட்சியம் பாதிக்கப்படும் என இருவரும் பிரிகின்றனர்.

ஆரோ படிக்கும் ஒரு பள்ளியில் ஒரு விழாவிற்கு தலைமை தாங்கி பரிசு வழங்கும் சமயம் ஆரோவை சந்திக்கிறார் ஆரோவின் தந்தையான M.P. அபிஷேக் அந்த உண்மை தெரியாமல் . இதிலிருந்து தொடரும் அவர்கள் நட்பு எப்படி பிரிந்த ஆரோவின் குடும்பத்தை இணைக்கிறது என்பது தான் மீதி கதை.

இதில் என்ன புதிதாக இருக்கிறது என்று நினைக்கலாம். ஆனால் இந்த கதையை ஒரு கவிதை போல படமாக்கி உள்ளனர். நோயினால் பதிக்கப்பட்ட ஆரோவை பற்றிய கதை என்பதால் சோகமாக இருக்கும் என்று நினைத்தால் படத்தை மிகவும் குதூகலமாக்குவதே அந்த சிறுவன் ஆரோ தான். அவன் வரும் ஒவ்வொரு காட்சியும் அவன் பேசும் ஒவ்வொரு வசனமும் ரசிக்கும் படியாக தந்திருப்பது இயக்குனரின் சாமர்த்தியம். இத்தகு நோயால் பாதிக்கப்பட்ட சிறவனை பார்த்து அவன் தாய் வித்யா பாலனிடம் இன்னொரு குழந்தையின் தாய் உன் குழந்தைக்கு என்ன பிரச்சனை என்று கேட்கும் போது பல லட்சம் பேர்களில் ஒருவருக்கு மட்டுமே இருக்கும் இந்த "chromosome" பிரச்சனை என் குழந்தைக்கு இருக்கிறது . அவன் மிகவும் அதிஷ்டசாலி தானே என்று கேட்கும் காட்சி "height of positiveness". ஒரு நல்ல அரசியல்வாதியாக இருப்பதால் என்ன மாதிரி பிரச்சனைகள் வரும் அதை அபிஷேக் எப்படி சமாளிக்கிறார் என்பதையும் அழகாக காட்டியிருக்கிறார்கள்.

படத்தின் ஒவ்வொரு காட்சியின் மெருகையும் குலைக்காமல் மேலும் பலம் சேர்ப்பது பி சி ஸ்ரீராமின் ஒளிப்பதிவு மற்றும் இளையராஜாவின் இசை. பாடல்கள் அனைத்தும் நாம் நெடுங்காலமாக கேட்டு ரசித்து கொண்டிருக்கும் இசைஞானியின் பழைய தமிழ் பட பாடல்கள் என்றாலும் அதை சரியான இடத்தில் படத்தில் சேர்த்திருப்பது இயக்குனரின் திறமை. குறிப்பாக பா தீம் மனதை விட்டு நீங்க மறுக்கிறது. (இது நாம் ஏற்கனவே கண்டு கொள்ளாமல் விட்ட அது ஒரு கனா காலம் தமிழ் படத்தின் title சாங்).

இதற்கெல்லாம் மேலே படத்தை தூக்கி நிறுத்தம் ஒரு கதாபாத்திரம் ஆரோ .படம் பார்ப்பவர்களுக்கு ஒரு நிமிடம் கூட அமிதாப் பச்சன் தெரியாமல் இருப்பது அவரின் மிக பெரிய வெற்றி . படம் முழுவதும் நமக்கு ஆரோவாகவே தெரிகிறார். மேக்கப் மட்டுமில்லாது நடை உடை பேச்சு என்று அனைத்திலும் ஒரு பன்னிரண்டு வயது சிறுவனை (progeria வினால் அறுபது வயதுடைவனை போன்ற ஒரு பன்னிரண்டு வயது சிறுவன்) தன் நடிப்பில் கொண்டு வந்திருக்கிறார் இந்த மேதை. absolutely brilliant performance from amitabhji. இவரின் இந்த நடிப்பிற்கு எந்த award வேண்டுமானாலும் கொடுக்கலாம்.

மொத்தத்தில் நல்ல படங்களை விரும்புபவர்கள் கண்டிப்பாக பார்க்க வேண்டிய ஒரு படம் இந்த பா .

யோகி - விமர்சனம்

2009-11-28T20:24:00.003+05:30

யோகி - விமர்சனம்

நீங்கள் மென்மையான மனதுடையவராக இருந்தால் தயவு செய்து இந்த படத்தை தவிர்ப்பது நல்லது .படம் முழுக்க கொடூரம் தலை விரித்தாடுகிறது.

பிஞ்சு குழந்தையை கையில் வைத்து இருக்கும் சிறுவனை அவன் தந்தை எட்டி உதைப்பதால் அந்த குழந்தை இறந்து போவது . அந்த கணவனின் தொல்லை தாங்க முடியாமல் அந்த சிறுவனின் தாய் தற்கொலை செய்து கொள்வது இது போன்ற கொடுமைகளை அனுபவித்து அதனால் பணத்திற்காக எதுவும் செய்யும் அந்த சிறுவன் தான் படத்தின் நாயகன் அமீர் . கழுத்தை அறுத்து கொலை செய்வது போன்ற காட்சிகள் என்று வன்முறையின் உச்ச கட்டமாக இருக்கிறது இந்த படம் .

இவ்வாறு அவன் திருடும் ஒரு காரில் அவனுக்கு கிடைக்கும் குழந்தைக்கும் அவனுக்கும் ஏற்படும் உறவு தான் மீதி கதை . அந்த குழந்தையை கொல்ல அதன் தந்தை (initial பிரச்சனை வந்துர கூடாதுன்னு அப்பா ஆனவர் ) முயற்சி செய்ய அதனை அமீர் எப்படி காப்பதுகிறார் என்று படமாக்கி உள்ளனர் . மிக சில காட்சிகள் மனதை தொடும் படியாக இருந்தாலும் மொத்தத்தில் பெரிய சொதப்பல் .

படத்தில் சொல்லி கொள்ளும் படியாக இருக்கும் ஒரே விஷயம் பின்னணி இசை . பாடல்கள் பெரிய அளவில் ஒன்றும் இல்லை என்றாலும் பின்னணி இசையில் பின்னி எடுத்திருக்கிறார் யுவன் ஷங்கர் ராஜா . முக்கியமாக அமீர் அந்த காரில் இருந்து குழந்தையை எடுத்து செல்லும் கட்சி மற்றும் சண்டை காட்சிகளில். இன்னொன்று cinematography. அற்புதமாக படமாக்கி இருக்கிறார்கள் .

யோகி இன்னொரு மொழி படத்தின் scene-by-scene copy வேறாம் . அதை கூட சரியாக செய்ய வில்லை என்றே சொல்ல வேண்டும் .இது போன்ற கதைகள் நிறைய பார்த்து சலித்து போனதால் இந்த படத்தை பற்றி சொல்ல வேறேதும் இல்லை.

தமிழில் நல்ல இயக்குனர்கள் நல்ல தரமான படத்தை கொடுத்தவர்கள் hero ஆகும் முயற்சியில் தாங்கள் பெற்ற நல்ல பெயரை கெடுத்து கொள்கிறார்கள் என்பதற்கு சேரன் , எஸ் ஜே சூர்யா வரிசையில் அமீர் சேர்ந்து விடுவார் என்று தோன்றுகிறது .இதில் குறிப்பாக எஸ் ஜே சூர்யாவை இயக்குனராக பார்க்கவே ஆசைபடுகிறேன் . அவரை போன்று படத்தின் கதையை முன் கூட்டியே சொல்லியும் படத்தை ஹிட் ஆகும் தைரியம் உடையவர்கள் மிகவும் அபூர்வம் . படத்தின் திரை கதையில் தொய்வில்லாமல் ரசிக்கும் படியாக தருவது இவரின் மிக பெரிய பலம் .ஆனால் அவர் அநியாயமாக hero ஆகி வியாபாரி , திருமகன் என்று கொலையாய் கொள்கிறார் இப்போது . அதே நிலைக்கு அமீரும் வந்து விடக்கூடாது என்பதே நம் ஆசை .

Expected movies in December

2009-11-22T12:06:00.001+05:30

Waiting for two good movies to finish this year in a good note.

1. Paa - with the combined excellence of Maestro Ilayaraja, P C Sreeram, Balki and ofcourse the evergreen Amitabh ji .

2. 3 Idiots - The ever reliable Aamir khan joining hands with Raj Kumar Hirani (Director of Munnabhai series) which is based on the famous Book by Chetan Bhagat.

பழசி ராஜா - திரை விமர்சனம்

2009-11-22T11:30:00.000+05:30

தரமான திரைப்படங்களுக்கு ஒரு காலத்தில் பெயர் போன, ஆனால் இப்போது அரிதாகி போன மலையாளத் திரை படைத்துறை தந்திருக்கும் ஒரு தரமான படைப்பு இந்த பழசி ராஜா . தமிழில் டப்பிங் செய்து வெளியிட்டு இருக்கிறார்கள்.

பழசி கேரள வர்மா ஆங்கிலேயர்களை எதிர்ப்பு போராட்டத்தை முதலிலேயே துவக்கியைதையும் அவர் போராடிய விதத்தையும் மிக நேர்த்தியாக படமாக்கியிருக்கிறார்கள். பழசி ராஜாவை பற்றி நம் மக்களுக்கு அதிகம் தெரியாததால் தெரிந்து கொள்ள இந்த திரைப்படம் உதவுகிறது.

மம்முட்டி பழசி ராஜாவாகவே வாழ்ந்திருக்கிறார். தனது எதார்த்தமான நடிப்பின் மூலம் மனதில் நிற்கிறார் .அவரது படை தளபதி கதாபாத்திரத்தில் சரத்குமார் தனது பணியை செவ்வனே செய்திருக்கிறார் .இவரின் உடல் இந்த வேடத்திற்கு பெரிய பலம் . படத்தில் குறிப்பிட வேண்டிய இன்னும் இரண்டு பேர் மனோஜ் கே ஜெயன் மற்றும் அவர் துணைவியாக வரும் பத்மப்ரியா . இவர்கள் இருவரும் மலை வாழ் மக்களுக்கு தலைமை தாங்கி போர் புரிபவர்கள் . பத்மப்ரியா இப்படி கூட நடிப்பார் என்று இந்த படம் பார்த்த பின் தான் தெரிந்து கொண்டேன் . படத்தின் இன்னொரு கதாநாயகி கன்னிகா. படம் முழுவதும் அழுது கொண்டே இருக்கிறார் . மற்றபடி சொல்வதற்கு ஏதும் இல்லை .

படத்தை மலையாளத்தில் பார்த்தால் கூட கதையை நமக்கு புரிய வைத்து விடும் நமது இசை ஞானியின் பின்னணி இசை . பெரிய இசை ராஜாங்கமே நடத்தி இருக்கிறார் இந்த இசை மேதை . பின்னணி இசை என்றால் அது இளைய ராஜா தான் என்று ஆணித்தனமாக நிரூபித்திருக்கிறார். காடுகளில் நடக்கும் போர் காட்சி , ஆங்கிலேயர் இடத்தில நடக்கும் காட்சி , மலை வாழ் மக்கள் ஒளிந்திருந்து பறவை போல் ஒழி எழுப்பி தாக்குவதாகட்டும் அனைத்திலும் இயற்கையான தத்ருபமான இசையினால் மிரட்டியிருக்கிறார் நம் மேஸ்ட்ரோ. உதாரணமாக ஆங்கிலேய கவர்னர் டங்கன் உடன் பழசி ராஜாவாகிய மம்முட்டி சமாதானம் பேச வரும் காட்சியில் இரண்டு ஆங்கிலேயர்களில் ஒருவர் பழசி ராஜா தனியாக வந்திருக்கிறார் அவரை கைது செய்து விடலாம் என்பார் . அப்போது இன்னொருவர் கோட்டைக்கு வெளியே நிற்கும் பழசி ராஜாவின் படையை அவருக்கு கட்டும் காட்சியில் தனது இசையின் மூலம் அந்த ஆங்கிலேயர்க்கு ஏற்படும் பயத்தை உணர்த்தியிருப்பார். அந்த காட்சி சொல்லி புரிய வைக்க முடியாது இசையுடன் பார்த்தால் தான் புரியும் இளையராஜா அவர்களின் மகிமை.

படத்தில் மிக பெரிய பலம் cinematography மற்றும் பின்னணி இசை. போர்க்காட்சிகளை தனது கேமரா மூலம் நம் கண் முன் நிறுத்துகிறார் கேமரா மேன் . படம் முழுவதும் வித விதமான இசைக்கருவிகளை பயன்படுத்தி இருக்கிறார் இளையராஜா . படத்தில் இரண்டு பாடல்கள் . குன்றத்து கொன்றைக்கும் பாடல் சித்ரா அவர்களின் குரலில் தாலாட்டுகிறது என்றால் மது பாலகிருஷ்ணன் குரலில் வரும் ஆதி முதல் காலம் பூத்ததிங்கே பாடல் நம்மை மிரள வைக்கிறது . இந்த படலை படமாக்கி இருக்கும் விதமும் படத்தில் இந்த பாடலை சேர்த்திருக்கும் இடமும் கன கச்சிதம் (Perfect match).

இந்த கால கட்டத்தில் இப்படி ஒரு வரலாற்று கதையை படமாக எடுப்பதே ஒரு சவாலான விஷயம் . அதை நேர்த்தியாக எடுப்பதென்பது இன்னும் சவாலான ஒன்று . அதை முடிந்த வரை நன்றாக செய்திருப்பதற்காகவே இந்த படத்தையும் , இதன் இயக்குனரையும் பாராட்டலாம் .

இந்த வகை திரைப்படங்கள் நிறைய பார்த்து விட்டாலும் (mangal pandey , jodha akbar) இவர்களின் நல்ல முயற்சிக்காக இதையும் பார்க்கலாம்.

பழசி ராஜா - perfectness.

To feel the magic of Maestro, click the Pazhassi Raja trailor link below:

picrure courtesy : www.behindwoods.com
Trailor : www.youtube.com

திரு திரு துரு துரு திரைப்படம் - ஒரு கண்ணோட்டம் எனது பார்வையில்

2009-10-02T00:03:00.001+05:30

வணக்கம் . இது எனது முதல் பதிவு .

சென்னையின் best multiplex theatre satyam முதன் முதலாக தயாரித்து இருக்கும் திரைப்படம் திரு திரு துரு துரு.

முதலில் இது எந்த மாதிரியான audience பார்க்க வேண்டிய படம் .

மசாலா commercial படம் , thriller , action படங்களை விரும்புபவராக இருந்தால் தயவு செய்து இந்த படத்தை தவிர்ப்பது நல்லது .

இது ஒரு மென்மையான light hearted feel good shuttle comedy movie. பொய் சொல்ல போறோம் வகை படம் உங்களுக்கு பிடித்திருந்தால் இந்த படம் கண்டிப்பாக பிடிக்கும் .

சரி படத்தின் கதைக் களம் என்ன ?

மௌலியின் கம்பனியில் வேலை பார்க்கும் அவரது வளர்ப்பு மகனான நமது ஹீரோவின் அஜாக்ரதையினால் ஒரு பெரிய ப்ராஜெக்ட் கை நழுவி போக போகும் வேலையில் , அந்த கம்பனியை தூக்கி நிறுத்த ஹீரோவும் , அதே கம்பனியில் வேலை பார்க்கும் ஹீரோயினும் போராடி வெற்றி பெரும் பழைய கதை தான் . இருந்தாலும் screenplay மிகவும் சாமர்த்தியமாக செய்திருப்பதால் ரொம்ப fresh ஆக இருக்கிறது . காமெடியை படத்தில் வேண்டுமென்றே திணிக்காமல் அன்றாட நிகழ்வுகளின் காமெடியை பதிவு செய்திருக்கிறார் முதல் பட டைரக்டர் J S நந்தினி (இவர் கண்ட நாள் முதல் என்ற ஒரு அருமையான படத்தை தந்த பிரியாவின் assistant என்பது குறிப்பிடத்தக்கது ).

ஒரு குழந்தைக்கான விளம்பர படம் தயாரிக்க ஒரு நல்ல குழந்தையை தேடி போக அதனால் ஏற்படும் பிரச்சனை அதிலிருந்து எப்படி கதாநாயகனும் கதாநாயகியும் தப்பித்து வெற்றி பெறுகிறார்கள் என்பதை முழுக்க முழுக்க காமெடியாக செய்திருக்கிறார்கள் . அவர்களிடம் மாட்டும் அந்த குழந்தை கொள்ளை அழகு . பல இடங்களில் லாஜிக் மீறல்கள் இருந்தலும் படத்தின் freshness அதையும் மறந்து ரசிக்க வைக்கிறது .
வழக்கமான அடி தடி படங்களாக வந்து நம்மை சாகடிக்கும் வேளையில் இந்த மாதிரி ஒரு படம் உண்மையில் வரவேற்கத்தக்கது. ஹீரோ அஜ்மல் - காமெடி இரண்டிற்கும் சம்பந்தமே இல்லை என்று நினைத்து தான் படத்திற்கு சென்றேன் . ஆனால் கொடுத்த வேலையை சிறப்பாகவே செய்திருக்கிறார் . கதாநாயகி ரூபா சில இடங்களில் over acting என்றாலும் அனைவரும் தங்கள் கேரக்டரை நன்றாகவே செய்துள்ளனர் .

இந்த படத்தின் மிக பெரிய பிளஸ் இதன் டைரக்டர் என்றே சொல்ல வேண்டும் ரொம்ப வாய் விட்டு சிரிக்க வைக்கும் காமெடி இல்லை என்றாலும் ரசிக்கும்படியான நல்ல ஒரு காமெடி படத்தை எந்த ஒரு vulgarity இல்லாமல் தந்ததற்காக . இன்னொன்று மௌலி . மௌலி ஒரு அற்புதமான நடிகர் என்பதை இன்னொரு முறை நிரூபித்துள்ளார் . அவரது டைலாக் டெலிவரி காமெடி டைமிங் பிரமாதம் . பிஸ்தா , பொய் சொல்ல போறோம் ஆகிய படங்களில் கூட மௌலியை நன்றாக பயன் படுத்தி இருப்பார்கள் . அந்த வரிசையில் இந்த படத்தையும் சேர்த்துக் கொள்ளலாம் . படத்தின் இசை மணி ஷர்மா . பாடல்கள் அனைத்தும் சுமார் ராகம் . சில்லென வீசும் பூங்காற்று எனும் மெலடி ரசிக்க முடிகிறது . திரு திரு துரு துரு தீம் music படத்தோடு பார்க்க நன்றாக உள்ளது .

மொத்தத்தில் இது குடும்பத்தோடு எந்த ஒரு நெருடலும் இல்லாமல் பார்க்க கூடிய ஒரு நல்ல படம் . சென்னை போன்ற இடங்களில் high class audience புண்ணியத்தில் நன்றாக ஓடும் . மற்ற ஊர்களில் B & C சென்டர்களில் response பொறுத்திருந்து தான் பார்க்க வேண்டும் .

Thanks,

Cinema Addict (only good movies)

Intro:

2009-10-01T23:14:00.000+05:30

I am a cinema addict that too good movies inspite of the language. In this blog, I will share my thoughts about all the movies that I see. I will try my level best to write more.